web counter
LEXO PA REKLAMA!

SHKARKO APP

App Store
Google Play

E fundit!

x

Masakra në Shkodër/ Berisha: Narkopolicia nuk i doli në mbrojtje Arlind Bushatit

31 Tetor 2024, 19:29, Politikë CNA
Masakra në Shkodër/ Berisha: Narkopolicia nuk i doli në mbrojtje
Kreu i demokratëve, Sali Berisha

Kreu i demokratëve, Sali Berisha ka folur për masakrën me tre viktima që ndodhi ditën e djeshme në Shkodër.

Gjatë fjalës së tij, Berisha akuzoi policinë, pasi nuk e kishin marrë në mbrojtje Arlind Bushatin dhe sipas kryedemokratit, nuk kanë denjuar të dëgjojnë as shpjegimet e tij.

"Narkopolicia jo vetëm që nuk e mori në mbrojtje Arlind Bushatin, por as nuk denjoi të dëgjojë shpjegimet e tij.

Miqtë e mi, pasdite dje, tek kthehesh në shtëpi te tre fëmijët e saj, ra, humbi jetën Flutura Basha. Bashkëshorti i saj lufton me vdekjen në shtratin e spitalit.Dy të rinj, Hamza Liçi, Arlind Bushati, 23 dhe 33 vite, u korrën nga breshëritë e vrasësve në pritë.Një masakër e mirëfilltë, një dramë. Tre njerëz humbën jetën, një i katërt në gjendje të rëndë. Viktima të pafajshme. Tre fëmijë të familjes Basha mbetën pa nënë, por miqtë e mi, ky ishte një krim i paralajmëruar. Kjo dramë, kjo masakër mund të ishte parandaluar dhe shmangur plotësisht. Çifti Basha mund të kishte mbërritur mbrëmë në shtëpinë e vet dhe sot do të ishte së bashku në shtëpi me fëmijët e tyre. Po kush mund të parandalonte këtë krim, më thoni ju mua?

Narkopolicia e Edi Ramës, që është njësh me krimin? Jo, kurrë. Kujtoj se jo më larg se në shtatort, Arlind Bushati tek pinte kafe me shokët e vet, pa vrasësin serial që i drejtuan armën por nuk i shkrepi për t’i marrë jetën. Por çfarë bëri policia para këtij akti?

Narkopolicia jo vetëm që nuk mori në mbrojtje Arlindin, por as nuk denjoi as të dëgjojë shpjegimet e tij! Kurse vrasësi, të cilin e njeh gjithë Shkodra, as nuk u mor në pyetje, as nuk u thirr, as nuk iu kontrolluar shtëpia, sepse vrasjet, masakrat dhe terrori janë mjetet me të cilat Edi Rama kërkon të sundojë dhe tmerrojë Shkodrën, ashtu siç mori mandatin e bashkisë, kërkon të marrë mandatin e deputetit."/CNA





Lajmet e fundit nga