web counter
LEXO PA REKLAMA!

SHKARKO APP

App Store
Google Play

“Kupa është mbushur”/ Boçi: Opozita do të vazhdojë gjatë platformën e rezistencës me protesta

24 Nëntor 2025, 18:29, Politikë CNA

“Kupa është mbushur”/ Boçi: Opozita do të

Deputeti demokrat, Luçiano Boçi deklaroi sot se opozita synon të vazhdojë gjatë platformën e rezistencës, përmes mbajtjes së protestave.

I ftuar në A2 CNN, Boçi u shpreh se përmes këtij akti, opozita do të vijojë komunikimin e vet si një forcë politike ndaj qytetarëve.

Boçi përsëriti se e vetmja zgjidhje politike për situatën në vend është largimi nga detyra i kryeministrit Edi Rama.

“Kjo është një platformë rezistence që do të vazhdojë gjatë, e cila kërkon të kompensojë zërin e opozitës në Parlament, pasi hapësira e saj është ngushtuar. Është dhe në vazhdën e atij komunikimi që një forcë politike duhet ta ketë me qytetarin. Zgjidhja politike është largimi i Ramës, një kryeministër që zv/kryeministri i është kapur në korrupsion, ministrat në korrupsion, kryebashkiakët në korrupsion, dhe nuk mund të thotë tani atë që ka thënë gjithmonë, që nuk di gjë. Edhe kur thotë kështu ka përgjegjësi ligjore, pasi dëshmon që është i paaftë për të zgjedhur personat me të cilët bashkëpunon. Kupa është mbushur. Çdo qytetar, siç është i pari i shtëpisë dhe i di të gjitha, ashtu edhe Rama i di të gjitha sa i përket qeverisë që drejton”,-tha Boçi./CNA





Lajmet e fundit nga