web counter
LEXO PA REKLAMA!

SHKARKO APP

App Store
Google Play

Këlliçi: Aferat në Bashkinë e Tiranës, raste unikale vjedhjeje në botë

15 Nëntor 2024, 17:45, Politikë CNA
Këlliçi: Aferat në Bashkinë e Tiranës, raste unikale
Drejtuesi politik i PD-së për Tiranën, Belind Këlliçi

Drejtuesi politik i PD-së për Tiranën, Belind Këlliçi, denoncoi nga Kavaja aferat në Bashkinë e Tiranës.

Këlliçi përmendi aferat me inceneratorin e Tiranës dhe çështjen “5D”, ndërsa theksoi se me skema e përdorur në bashkinë e Erion Veliajt është rast unikal vjedhjeje në botë.

Ai deklaroi se pavarësisht aferave, Veliaj vijon të qëndrojë në detyrë dhe blen mediat për të hedhur baltë mbi opozitën.

“Deri tani, vetëm ne vullnetarisht në PD kemi arritur të zbulojmë një aferë si inceneratori i Tiranës që ka kushtuar 132 milionë euro, që është inceneratori i Tiranës, për të cilin paguajmë sot 80 mijë euro në ditë për një incenerator që nuk ekziston dhe 30 milionë euro dhe 3 leje ndërtimi që vlejnë rreth 100 milionë euro me “5D”-në që kishte ngritur Erion Veliaj. Është rast unikal në botë vjedhjeje.

Ky hajdut sot vijon të kapet me thonj pas karriges së kryebashkiakut, duke kërcënuar, duke blerë media, duke blerë portale, duke blerë analistë, duke paguar për të hedhur baltë dhe linçuar këdo opozitar dhe këdo demokrat që sot denoncon aferat e qeverisjes, por mbi të gjitha të Bashkisë Tiranë”, theksoi drejtuesi politik i PD-së për Tiranën.

Këlliçi nënvizoi se sot Tirana është bërë e pajetueshme, ndërsa Shqipëria e papërballueshme./ CNA





Lajmet e fundit nga