web counter
LEXO PA REKLAMA!

SHKARKO APP

App Store
Google Play

E fundit!

x

"Investime për të gjitha argjinaturat që janë dëmtuar"/ Ministri i Bujqësisë Andis Salla takim me fermerët në Maliq

20 Janar 2026, 18:51, Politikë CNA

"Investime për të gjitha argjinaturat që janë

Ministri i Bujqësisë, Andis Salla, zhvilloi një takim me fermerët në Maliq, pas protestave të fermerëve të zhvilluara ditët e fundit, ku u ngritën shqetësime lidhur me dëmet nga përmbytjet, gjendjen e argjinaturave dhe mbështetjen financiare.

Gjatë takimit, ministri sqaroi se çështja e argjinaturave është diskutuar me bordin përkatës dhe me bashkitë, ndërsa kontaktet me autoritetet vendore kanë qenë të vazhdueshme edhe gjatë situatës së përmbytjeve.

Sipas tij, çarjet e krijuara në argjinatura janë menaxhuar në kohë rekord nga strukturat përgjegjëse dhe aktualisht nuk paraqesin rrezik, por kërkojnë investime afatgjata.

Ministri theksoi se përmes skemës kombëtare të AZHBR-së janë vënë në dispozicion 52 milionë euro, ndërsa përfitues janë rreth 65 mijë fermerë në të gjithë vendin. Ai sqaroi se mbështetja është rritur çdo vit dhe se këtë vit është përfshirë edhe skema e rimbursimit prej 10% të faturimit, pa procedura shtesë, vetëm përmes depozitimit të faturave pranë tatimeve.

 

Deklarata e Sallës

 

Ne e kemi diskutuar edhe me bordin edhe me bashkinë, kemi qënë me kryetarin në vazhdimësi të kontakteve edhe gjatë dëmeve të cilat janë shkaktuar gjatë përmbytjeve të fundit dhe ne do të shohim për të investuar të gjitha argjinaturat që janë dëmtuar në mënyrë që mos përsëritet më tek këto çarjet që kanë ndodhur në gjithë Shqipërinë. Ka pasur një problematikë ndaj argjinaturës që ka pasur një çarje e cila është menaxhuar nga ana e bordit dhe kullimit në kohë rekord në mënyrë që ne të bënim një ndërhyrje të shpejtë për ta mbyllur si çarje,e kemi mbyllur dhe nuk ka asnjë problem tashmë por kërkon një investim dhe ne tashmë projektin e kemi gati që të kemi një ndryshim në këtë zonë që ne kemi patur problematika në nëntor dhe janar. Me buxhetin e ri ne do ta diskutojmë dhe rishikojmë me strukturat tona në ministri në mënyrë që të gjitha çarjet,investimet që kërkon argjinatura të jenë të prashikuara nga buxheti. Ne kemi filluar një dëgjesë me fermerë gjë e cila është për skemën kombëtare të investimeve të AZHBR-së pra ne kemi një fond prej 52 milion eurosh për femrwrët në mbështetje të tyre pëe ti dhënë mundësi të kenë përfitile nga shteti siç është skema kombëtare. Po i dëgjojmë,po i pyesim si janë problematikat e tyre,çfarë sugjerimesh kanë për skemën e re dhe çfarë duhet të përshtasim ne sipas legjislacionit që kemi fuqi dhe përsjtatjes ndaj BE-së në mënyrë që ne të jemi gati në 2027 jo vetëm për orientimin e fermerve por edhe ndaj mbështetjes së tyre dhe sigurinë ushqimore. Unë nuk e kuptoj pse është me kosto më të lartë dhe nuk e di këtë pyetje me cfarë kuptimi e ke për këtë kosto më të lartë, kur ne jemi duke i mbështetur fermerët, të gjithë fermerët. Ne kemi bërë një përfitim për 65 mijë fermerë në territorin e Shqipërisë, i cili është rritur vit pas viti, sepse ne kemi rritur buxhetin çdo vit për mbështetjen e tyre, në mënyrë që ata ta ndiejnë. Ne e kemi futur edhe këtë vit, nga 1 janari deri më 31 dhjetor, mbështetjen në skemën 10% të faturimit të tyre. Pra, nuk ka nevojë për procedura apo angazhime të ndryshme, siç kemi pasur më parë edhe në takimet që kemi zhvilluar, por me faturat e tyre periodikisht do të depozitohen pranë drejtorive tatimore dhe do të marrin 10% të faturimit të tyre. Kjo është futur si paketë, si mundësi dhe si mbështetje, por edhe ndaj AZHBR-së, me të cilën ne i mbështesim me masa të ndryshme, ku ata duhet të përfitojnë. Për këtë arsye jemi sot këtu për të dëgjuar dhe do të jemi në të gjithë territorin e Shqipërisë, me qëllim që fermerët të japin sugjerime dhe të kërkojnë. Ne me bashkitë në tërësi dhe me emergjencat civile me Ministrinë e Bujqësisë, ne jemi ende duke bërë evidentimin në terren, për të bërë gjithë vlerësimin e duhur. Sapo të kemi të gjithë pasqyrën e plotë të dëmeve dhe gjithë informacionin që do të marrim nga bashkitë për zonat përkatëse, do të veprojmë menjëherë me vendim qeverie për të mbështetur fermerët. Jo, jo, absolutisht jo. Unë mendoj se e keni dëgjuar Kryeministrin, që ne kemi hartuar një paketë financiare për mbështetjen e të gjitha dëmeve që janë shkaktuar nga përmbytjet e fundit.





Lajmet e fundit nga