web counter
LEXO PA REKLAMA!

SHKARKO APP

App Store
Google Play

E fundit!

x

“I japim fund grabitjes”/ Teliti: Taksë e sheshtë brenda 100 ditëve të para

31 Janar 2025, 19:00, Politikë CNA

“I japim fund grabitjes”/ Teliti: Taksë e sheshtë brenda

Koordinatori për programin ekonomik në PD Dorjan Teliti, theksoi nëpërmjet një reagimi në rrjetet sociale se partia e tij me të ardhur në pushtet pas zgjedhjeve të 11 majit, do të shfuqizojë taksën progresive të Edi Ramës dhe do të kthejë taksimin e sheshtë me 10%.

Teliti, shtoi se ka ardhur koha për ndryshim dhe se i duhet dhënë fund politikave që penalizojnë ata që kontribuojnë dhe punojnë për vendin.

Postimi i Telitit:

"MË 11 MAJ, I JAPIM FUND GRABITJES ME TAKSËN PROGRESIVE 23%!
Pak më shumë se tre muaj na ndajnë nga dita e rëndësishme e zgjedhjeve, një mundësi historike për të ndalur regresin ekonomik të 12 viteve të fundit.

Taksa progresive 23% ka dëmtuar rëndë shtresën e mesme, profesionistët, pedagogët, mjekët, sipërmarrësit, etj, duke i detyruar shumë prej tyre madje edhe të largohen nga vendi. Ky model taksimi ka mbytur iniciativën, ka frenuar zhvillimin dhe ka zhytur ekonominë në një krizë të vazhdueshme.

Koha për ndryshim ka ardhur! Më 11 maj, le t’u japim fund politikave që penalizojnë ata që punojnë dhe kontribuojnë për këtë vend.

Me Berishën Kryeministër dhe PD në qeverisje, taksa e sheshtë 10% do të hyjë në fuqi brenda 100 ditëve të para, duke sjellë një klimë të re për shtresën e mesme, profesionistët, biznesin, rritjen e pagave dhe më shumë mundësi për të gjithë.

Një ekonomi e lirë, e fortë dhe me më shumë mundësi për të gjithë – kjo është rruga përpara! Bashkë e kthejmë Shqipërinë në rrugën e zhvillimit". /CNA





Lajmet e fundit nga