E fundit!

14:01 Live Updates

Irfan Hysenbelliu, mashtruesi që kërkon të dalë kundër shtetit

Irfan mashtruesi kundër shtetit 20 Korrik...

Forumi në Paris/ Rama: Europës i mungon diplomacia, nuk ka ende një plan paqeje të vetin

30 Tetor 2025, 10:18, Politikë CNA

Forumi në Paris/ Rama: Europës i mungon diplomacia, nuk ka ende

Kryeministri Edi Rama po merr pjesë në Forumin e Paqes në Paris, nismë e presidentit Emmanuel Macron, ku edhe këtë vit personalitete nga e gjithë bota mblidhen me në fokus bashkëpunimin mes tyre.

Gjatë fjalës së tij, kryeministri Rama tha se Europa duhet të heqë dorë nga mendimi se është pika e referencës se si duhet të jetë bota. Sipas tij, ky është një këndvështrim i gabuar dhe që mund të bëhet edhe i dëmshëm.

Ai shtoi më tej se Europa ende nuk ka një plan paqeje të vetin, ndërsa theksoi se ky plan duhet të ishte bërë paralelisht me mbështetjen për Ukrainën dhe komunikimin me Rusinë. Sipas tij, Europës i mungon diplomacia.

"Unë sapo vij nga Riadi. Kur ke mundësinë të gjendesh në atë pjesë të botës, e kupton se në pjesën tonë duhet të bëjmë një dush përulësie. Sepse sot, edhe pse bota po ekspozon ujërat që ziejnë në marrëdhëniet mes vendeve dhe qasjeve kundrejt gjërave themelore, ne mendojmë se ka diçka që nuk shkon me botën dhe ne, perëndimi, sidomos Europa, mendojme se kemi legjitimitetin moral për të gjykuar të tjerët dhe se jemi pika e referencës si duhet të jetë bota. Kjo është krejt e gabuar, nuk është e vërtetë. Kjo është një vetëkënaqje që ka nisur të bëhet i dëmshëm si këndvështrim.

Besoj se ajo çfarë ka ndodhur në SHBA në fillim të këtij, plani i Zotit për të shpëtuar Trump-in, ishte plani i Zotit për të shpëtuar Amerikën. Nëse Zoti kishte një plan për të zgjuar Europën, ajo nuk po zgjohet. Në shumë përpjekje që po bëhen nga presidentja e KE-së dhe në këtë shtysë shumë të fortë për të ndryshuar mendimin për idenë e mbrojtjes kjo është e vështirë. Ende nuk ka një plan europian paqeje. Ndihem i shqetësuar për mungesën e diplomacisë. Paralelisht me mbështetjen e Ukrainës, BE duhet të ketë planin e vet të paqes dhe komunikimin me Rusinë", tha Rama ndër të tjera. /CNA