web counter
LEXO PA REKLAMA!

SHKARKO APP

App Store
Google Play

Çështja “Partizani”/ Sot seanca paraprake për Berishën dhe 4 të pandehurit e tjerë

24 Tetor 2024, 07:57, Politikë CNA

Çështja “Partizani”/ Sot seanca paraprake për

Ditën e sotme do të zhvillohet seanca paraprake për ish-kryeministrin Sali Berisha, dhëndrin e tij Jamarbër Malltezi, Fatmir Bektashin, Xhimi Begejën dhe Andia Pustinën.

Do të jetë gjykatësja paraprake Flojera Davidhi ajo që do të vendosë fatin e çështjes.

Për këtë ka tri mundësi, ose do të nisë gjykimi i çështjes, ose do të kthehet pas, ose çështja pushohet.

Për dosjen “Partizani” me 333 fashikuj janë marrë të pandehur 5 persona, ish-kryeministri Sali Berisha, dhëndri i tij Jamambër Malltezi, biznesmeni Xhimi Begeja, Fatmir Bektashi dhe noterja Andia Pustina.

Lidhur me këtë dosje, ndaj kryedemokratit Sali Berisha dhe dhëndrit të tij Jamarbër Malltezi është caktuar masa e sigurisë “arrest në shtëpi”.

Biznesmeni Fatmir Bektashi është hetuar nën masën “detyrim paraqitje”. Kurse Xhimi Begeja dhe Andia Pustina janë hetuar në gjendje të lirë. Berisha akuzohet për “korrupsion pasiv”, Malltezi e Bektashi për “korrupsion dhe pastrim parash”. Ndërsa dy të pandehurit e tjerë për “pastrim parash”.

Më 11 shtator 2024, Berisha u mor zyrtarisht i pandehur nga SPAK-u për “korrupsion pasiv të funksionarëve të lartë, kryer në bashkëpunim”. Kreu i PD-së ndodhet i izoluar në banesën e tij që prej 30 dhjetorit 2023./ CNA





Lajmet e fundit nga