web counter
LEXO PA REKLAMA!

SHKARKO APP

App Store
Google Play

E fundit!

x

Ervin Salianji, dje shërbeu për spastrimet sot kërkon të shpallet shenjtor i katarsisit

3 Dhjetor 2025, 23:00, Politikë CNA

Ervin Salianji, dje shërbeu për spastrimet sot kërkon të

Aktivistja Melisa Braci ka publikuar një reagim të ashpër ndaj deputetit të Partisë Demokratike, Ervin Salianji, duke e akuzuar atë për ndryshim konsekuent pozicionesh politike dhe mungesë coherence.

Në reagimin e saj, Braci risjell një status të Salianjit për Republikën e Vjetër duke thënë se është një manifest i moralit të rremë dhe luftës kundër indetikitit të vjetër.

Ajo nënvizon se raporti i Salianjit me rrënjët e PD ka qenë gjithmonë i zhdrejtë, pasi ai nuk kërkon katarsis por çrrënjosje.

Braci thekson se, rrënjët e PD-së nuk mund të çrrënjosen nga ata që deri dje shërbyen me zell për spastrimet dhe sot duan të shpallen shenjtorë të katarsisit.

Reagimi i Melisa Bracit

Zonja dhe zotërinj, i mbani mend pionerët e 2017?ës?

Ata që shpërndanin traktet kundër “Republikës së Vjetër” pasi Basha kishte depozituar listën e natës, atë listë personale që zhbëri gjithë rrënjët, historinë dhe moralin e Partisë Demokratike?

I mbani mend edhe videot ku na tregonin me patos se Basha na kishte futur në BE, në NATO e në qiellin e shtatë të integrimit, duke prerë fytyrën e Sali Berishës për të rikonfiguruar historinë sipas qejfit të shefit të radhës?

Besoj e mbani mend edhe këtë status të Zotit Salianji – një manifest i vërtetë i moralit të rremë dhe i luftës kundër “identikitit të vjetër”:

"Kur këmbanat e frikës bien nga çdo portë! U shpalos lista e rilindjes me identikitin e Republikës së Vjetër dhe i plotësuan të gjithë kriteret. Identikiti i deputetit të Republikës së Vjetër! Të bojkotosh popullin, të mbash karriget! Të flasësh për popullin nga sallat e ngrohta, por të abandonosh popullin në rrugë! Ta duash partinë më shumë se Shqipërinë! Të flasësh për të larguarit nga puna, por të sigurosh vendin e punës me lotë krokodili për të papunët! Të kesh shumë lekë, por të bësh si i varfër! Të flasësh për ligje të këqija, por mos propozosh asnjë projektligj! Të dhunosh njerëzit kur ke pushtet, por të luash viktimën kur ta heqin. Të jesh qingj i butë deri ditën që shpallet lista për deputet, e të jesh ujk pasi ka dalë lista. Fundi i republikues së vjetër ka ardhur, frika ndihet kudo, e vërtetojnë këmbanat që bien nga çdo portë! Në 7 maj do të këmbonjë këmbanat e triumfit!"

Ironia e madhe e historisë është se ky tekst përshkruan më saktë autorin sesa ata që pretendonte të godiste.

Sepse qingji i butë i 2013-ës u bë ujk vetëm kur Basha e emëroi deputet.

Sepse kur demokratët i dolën përballë më 8 janar për të marrë selinë e tyre, nuk pa as frikë as këmbana – por mori shkopin e bejsbollit dhe i goditi si çdo pushtet që dhunon popullin kur e ka karrigen nën vete.

Sepse kur bëhej fjalë për spastrimin e figurave të njohura të PD-së, ai ishte aty: zell i parë, pioner i flaktë, njeriu i besuar i projekteve për çrrënjosjen e rrënjëve të partisë, jo për katarsis, por për rindërtim sipas interesit të radhës.

Dhe sot, i njëjti njeri që qau për “Republikën e re”, që shpiku moralizma me arrogancën e një kaste “më se të vjetër” kundër atyre që dëboheshin nga partia, kthehet dhe na tregon vetën si simbol të “ndryshimit”, bashkimit e  si fytyrë të katarsisit – thua se një vit burg dhe mbjellje flokësh i japin njeriut autoritet moral, integritet dhe koherencë politike.

Historia e PD-së ka parë shumë figura, shumë beteja, shumë fjalë të mëdha. Por raporti i Salianjit me rrënjët e kësaj partie ka qenë gjithmonë i zhdrejtë:

ai nuk kërkon katarsis, kërkon çrrënjosje;

nuk kërkon ringritje, kërkon ripozicionim;

nuk kërkon moral, kërkon foltoren e vet – ku fjala shërben për të riformësuar historinë sipas nevojës së momentit.

Ndaj, para se të dëgjojmë këmbanat e reja që na premton sot, mjafton të kujtojmë këmbanat që ai i ra vetë në 2017?ën – dhe shkopin që ngriti në 2021?shin.

Historia nuk harrohet. Dhe rrënjët e PD-së nuk mund të çrrënjosen nga ata që deri dje shërbyen me zell spastrimet dhe sot duan të shpallen shenjtorë të katarsisit.

Pyes veten: A mund të dalë një herë një figurë në PD që të pranojë e të respektojë të shkuarën dhe mbi këto rrënjë e këtë trung të nxjerrë degë të frytshme !? Kaq e pamundur është !? Pse filozofia e zerimit e ka kapluar filozofinë e çdo njeriu që pretendon të marrë PD ?  / CNA





Lajmet e fundit nga