web counter
LEXO PA REKLAMA!

SHKARKO APP

App Store
Google Play

“Ende asnjë emër konkret”/ Muçi: Nuk kemi pasur diskutime ose negociata me PD-në për zgjedhjet në Tiranë

29 Shtator 2025, 18:28, Politikë CNA

“Ende asnjë emër konkret”/ Muçi: Nuk kemi pasur

Deputeti i Lëvizjes Bashkë, Redi Muçi u ndal sot te kandidati i mundshëm i kësaj force politike për zgjedhjet në Bashkinë e Tiranës, pasi drejtuesi i kësaj lëvizjeje, Arlind Qori u shpreh pak ditë më parë se do të garojnë më vete.

Në një dalje televizive, Muçi u shpreh se Lëvizja Bashkë nuk ka ende një emër konkret, pasi pret formalizimin e garës.

Muçi u shpreh se deri më tani, Lëvizja Bashkë nuk ka pasur diskutime ose negociata me Partinë Demokratike.

 “Nuk kemi një emër konkret, sepse nuk e kemi gjykuar të udhës për të bërë mbledhje për një kandidatë sepse nuk dihet ende nëse do të mbahen zgjedhjet. Por nuk do e kufizoja vetëm tek unë dhe Qori kandidatin, sepse në këtë lëvizje ka edhe mjaft njerëz të aftë.

Forcat e reja janë në qasje me PD për t’u bërë të gjithë bashkë dhe këtu ne ndahemi në qasjen tonë. Por problemi është tek ajo që përfaqëson PD dhe ata aktorë të vegjël që i shkojnë nga pas. Ne refuzojmë atë që përfaqëson PD dhe PS, ne synojmë që ta shumfishojmë numrin e votave në këto zgjedhje duke pasur të njëjtën qasje që kemi pasur gjithmonë.

Nuk ka pasur diskutime ose negociata me PD. Ne besojmë se ndryshimi mund të vijë nga qytetarët e Tiranës për të dhënë një shembull se në Shqipëri mund të ndodh një ndryshim i madh”,-tha Muçi./CNA

 





Lajmet e fundit nga