E fundit!

12:50 Aktualitet

GJKKO gjobit avokatin e pandehur të Erion Veliajt

GJKKO ka gjobitur avokatin e pandehur të kryebashkiakut të...

“Do të saldojë tregun”/ Berisha: Rama po krijon kompani shtetërore nafte për të marrë llokmën e tij

3 Prill 2026, 19:14, Politikë CNA

Kryetari i Partisë Demokratike, Sali Berisha ishte i pranishëm pasditen e sotme në takimin e zhvilluar në selinë blu të quajtur “Bursa Rama e Naftës-10 abuzime, 1 zgjidhje”, me të gjithë departamentet e partisë.

Në fjalën e tij, Berisha u ndal te situata e krijuar me çmimin e naftës, ndikuar nga konflikti që vijon prej javësh në Lindjen e Mesme.

Sipas Berishës, zgjidhja që po i jepet kësaj situatë është katastrofike, duke akuzuar qeverinë se nuk po vepron sipas ligjit.

Kryedemokrati gjeti rastin të hedhë akuza ndaj kryeministrit Edi Rama, se me përpjekjen e tij për të hyrë në tregun e naftës përmes një kompanie shtetërore, nuk po vepron tnë të mirë të qytetarëve shqiptarë, por vetëm me qëllim përfitimi personal.

“Zgjidhja është po kaq katastrofë. Ky njeri që përdori për kaq vite Agjencinë e Shoqërisë së Informacionit si kopshtin e tij privat dhe pasi shpërtheu skandali, tani do krijojë puset private të kopshtit të tij me naftë. Tani do të fusë duart e zeza të tij në importin e naftës.

Dhe tani thotë do të futem në treg, do gjejë ndonjë Ardi Veli apo Ergys Agas, të cilët i ka të besuarit e vjedhjeve, dhe si do ia bësh ti me ngarkesën 60 përqind në treg?

Na thuaj se këto janë gjëra shumë të thjeshta.Ku mbetet, çfarë mbetet këtu?

Pra, do futet në treg për të mbajtur të njëjtin çmim, por për të vjedhur sa më shumë, për të marrë një llokmë të madhe për veten e tij dhe njerëzit që do të emërojë.

Shteti shqiptar ka ligje, ka ligjin antitrust, ka ligjin e mbrojtjes së konsumatorit.

Në qoftë se në çmimin aktual të naftës, përveç ngarkesës fiskale prej 60 përqind të çmimit, ka edhe faktorë të tjerë spekulativë që e mbajnë atë në atë nivel, atëherë ti ke institucionet.

Aktivizo institucionet të identifikojnë dhe ligjet ekzistuese janë shumë të forta.

Gjobat janë ndëshkime madhore në qoftë se gjenden në kushte të marrëveshjeve të fshehta.

Po. Është e domosdoshme të shqyrtohet qëndrimi i autoritetit të konkurrencës ndaj oligopolit.

Dhe autoriteti i konkurrencës është autoriteti më i korruptuar ose ndër më të korruptuarit në Shqipëri dhe në Europë.

Atëherë qeveria krahas ndërhyrjes, krahas përgjysmimit ose afër përgjysmimit të ngarkesës fiskale mbi litrin e naftës, duhet të ndërmarrë një analizë të hollësishme të tregut dhe të të gjithë faktorët.

Por ky çfarë po bën? Ky po futet në treg për ta salduar edhe më shumë këtë situatë, për ta bërë edhe më të pashpresë”,-tha Berisha./CNA