web counter
LEXO PA REKLAMA!

SHKARKO APP

App Store
Google Play

E fundit!

x

“Do të ketë surpriza”/ Këlliçi: Emigrantët kanë prerë biletat për të ardhur në protestë

30 Qershor 2022, 20:31, Politikë CNA
“Do të ketë surpriza”/ Këlliçi:
Deputeti, Belind Këlliçi

Deputeti demokrat, Belind Këlliçi, ka deklaruar se pjesë e protestës kombëtare që do të mbahet më 7 Korriik, do të jenë edhe LSI dhe Presidenti Ilir Meta.

Këlliçi tha se si Meta dhe LSI kanë konfirmuar pjesëmarrjen e tyre fillimisht si qytetarë dhe pastaj si politikanë.

“Neve na kërkojnë llogari pse u bë në korrik dhe jo në qershor, pse në mesjavë dhe jo në fundjavë, tani po na kërkojnë dhe për LSI e Ilir Metën. Ilir Meta dhe LSI aty janë. E kanë konfirmuar publikisht që do të jenë aty. Edhe unë dal në protestë si qytetar, para se të dal si deputet. Është një kulturë qytetare të dalësh në protestë dhe është një kulturë që duhet kultivuar te shoqëria jonë, te brezi i ri”, tha Këlliçi.

Ndër të tjera, Këlliçi u shpreh se ka edhe emigrantë që kanë prerë biletat për të ardhur në protestë, ndërsa bëri me dije se do të ketë surpriza dhe se shifrat konkrete do të dalin rreth ditës së martë apo të mërkurë.

“Gjatë 8-vjeçarit të drejtimit të PD nga Basha janë organizuar protesta shumë të mëdha, nuk e mohoj dhe nuk do e mohoj kurrë, se kam qenë dhe vetë pjesë, por ky është një organizim i ri i PD. Është një sprovë e parë për të parë cili do jetë reagimi i qytetarëve, mbështetja që ata do japin. Në varësi të numrit që do të vijë aty, do të vendoset dhe vazhdimi i aksionit politik. Jam i bindur që numri do të jetë i madh. Ka shumë njerëz që kanë prerë biletën dhe po vijnë për të protestuar, sepse edhe pse jetojnë jashtë, kanë familjet këtu dhe rritja e çmimeve ndihet edhe tek ata. Do kemi surpriza. Rreth ditës së martë apo të mërkurë mund të kemi shifra konkrete. Kjo protestë duhet të na bashkojë të gjithëve”, deklaroi deputetit i PD-së./ A.E-CNA.al





Lajmet e fundit nga