web counter
LEXO PA REKLAMA!

SHKARKO APP

App Store
Google Play

E fundit!

x

Bylykbashi: Mazhoranca tentoi të bllokojë SPAK-un për të mbrojtur Ballukun

20 Dhjetor 2025, 12:02, Politikë CNA

Bylykbashi: Mazhoranca tentoi të bllokojë SPAK-un për të

Deputeti i Partisë Demokratike, Oerd Bylykbashi, në një konferencë për mediat komentoi mbledhjen e një dite më parë të Këshillit të Mandateve, duke e cilësuar atë si një “autopsi” të mënyrës se si funksionon shteti shqiptar.

Sipas Bylykbashit, kjo çështje tregon qartë degradimin e institucioneve nën drejtimin e kryeministrit Edi Rama, duke e përshkruar shtetin si të kapur nga korrupsioni dhe krimi. “Kjo është autopsia se si funksionon ky shtet i kalbur,” u shpreh ai.

Ai akuzoi drejtpërdrejt mazhorancën se ka vepruar me urdhër politik për të penguar drejtësinë. Bylykbashi deklaroi se pesë deputetë socialistë, nën drejtimin e kreut të grupit parlamentar të PS-së, kishin si qëllim bllokimin e SPAK-ut.

Sipas tij, ky veprim synonte t’i jepte kohë zv/kryeministres Belinda Balluku që të intimidonte dëshmitarët dhe të prishte provat. “Ishte një veprim i qartë për të mbrojtur pushtetin dhe jo ligjin,” tha Bylykbashi.

“Kjo çështje në të gjithë dimensionin e saj, është autopsi për mënyrën se si funksionon shteti, një shtet që ka në krye Ramën përveç krimit ka dhe korrupsionin, është autopsi se si funksion ky shtet i kalbur.

Me urdhër të qartë të 5 deputetët socialistë me në krye kreun e grupit të PS-së, kishin si qëllim të bllokojnë SPAK-un për t’i dhënë kohë Ballukut të intimidojë dëshmitarët dhe të prishë provat”, u shpreh Bylykbashi./ CNA





Lajmet e fundit nga