web counter
LEXO PA REKLAMA!

SHKARKO APP

App Store
Google Play

E fundit!

x

Berisha: Veliaj po përpiqet të lajë fytyrën e nxirë duke larguar hajdutët

25 Tetor 2024, 19:43, Politikë CNA
Berisha: Veliaj po përpiqet të lajë fytyrën e nxirë
Kryetari i Partisë Demokratike, Sali Berisha

Kryetari i Partisë Demokratike, Sali Berisha reagoi mbrëmjen e sotme për lëvizjet e kryebashkiakut të Tiranës, Erion Veliaj, i cili shkarkoi 10 drejtorë dhe i zëvendësoi ata me erma të rinj. 

Berisha tha në protestën e përnatshme të mbështetësve të tij se Veliaj po përpiqet të lajë fytyrën e tij të nxirë duke larguar nga vetja hajdutët me të cilët vodhi dhjetëra e qindra milionë.

Ai paralajmëroi Veliajn se asgjë nuk mund ta shpëtojë nga vjedhjet dhe se do të varet në shtyllën e turpit.

“Përshëndetje të përzemërt të gjithë atyre që sot e ndrynë në vrimën e miut Lali Vjedhësin, këtë tip të shpërfytyruar të qenieve njerëzore, i cili pasi ka vjedhur dhjetëra e qindra milionë, përpiqet të lajë fytyrën e tij të nxirë duke larguar nga vetja hajdutët me të cilët vodhi.

Erion Veliaj, betimi ynë është solemn, do varesh në shtyllën e turpit të historisë. Nuk të shpëton dot asnjë nga drejtorët që sakrifikon ti. Nuk të shpëton dot as mercenari Altin Dumani apo ish-xhelati i Sigurimit, Arben Kraja. Nuk të shpëton dot nga vjedhjet, nga ndëshkimi as kryehajduti i kombit, Edi Rama sepse vetë ai vrimë miu nuk do gjejë për të futur kokën e tij për krimet monstruoze që ka kryer ndaj shqiptarëve.

Nxirr sa të duash fotografi me Aleksis Soros, se të jap fjalën e nderit se ti do të shkosh aty ku e ke vendin, kurse ai do të shpallet non-grata, non-grata, non-grata. Në Shqipërinë e shtetit ligjor, e rendit kushtetues, Erion Veliaj, Edi Rama, anëtarët e organizatave tuaja kriminale do marrin ndëshkimet më shembullore. Pasuritë tuaja do gjurmohen në të katër anët e botës, do u rikthehen shqiptarëve, do u merren hajdutëve!”, deklaroi ish-kryeministri./ CNA





Lajmet e fundit nga