web counter
LEXO PA REKLAMA!

SHKARKO APP

App Store
Google Play

Berisha i dha Metës 3 deputetë/ Murrizi ironizon: Prandaj kemi 16 vite në opozitë

21 Gusht 2025, 20:00, Politikë CNA

Berisha i dha Metës 3 deputetë/ Murrizi ironizon: Prandaj kemi 16 vite

Ish-deputeti demokrat Myslim Murrizi ka reaguar sot pasi këtë të enjte u bë e ditur se Partia Demokratike do të jepte 3 deputetë ‘hua’ te Partia e Lirisë dhe Ilir Meta, si pjesë e një dakordësie të shprehur edhe më parë mes dy palëve. 

Përmes një postimi në rrjetet sociale, Murrizi shprehet ironikisht se ‘qerasja’ me deputetë po shkon për mrekulli.

Sipas Murrizit, pas kësaj, është e kotë të bëhet pyetja pse PD-ja ka 16 vite në opozitë.

"Qerasja" me deputetë po i shkon për mrekulli partive pa vota

Kjo “qerasja” me deputetë nga Partia Demokratike drejt partive që nuk kanë marrë as votat për një mandat të vetëm, po bëhet e zakonshme – dhe po “më pëlqen” gjithnjë e më shumë, ironikisht.

Në zgjedhjet e 11 majit, e gjithë opozita mori 50 deputetë.
Nga këta:

4 ishin të LSI,

1 i PR-së,

1 i PDIU-së,

1 i PBDNJ-së,

1 i Partisë Agrare.
Pra, PD-së i mbetën 42 deputetë, pa llogaritur ndonjë “transferte” të ardhur nga LSI apo PS.

Por çfarë po ndodh me këto 42 mandate?

Thuhet se 3 do t’i jepen LSI-së që të arrijë kuotën për të krijuar grup parlamentar me 7 deputetë.

6 të tjerë do t’i kalojnë Fatmir Mediut për një tjetër grup parlamentar.

6 deputetë të tjerë do t’i shkojnë Partisë Agrare.

Në fund, PD-së i mbeten vetëm 27 deputetë.
Pse jo? Le të japim edhe 6 të tjerë për PDIU-në, që me 1500 vota të ketë grup parlamentar.
Pse të mos “qerasim” edhe PBDNJ-në e Dules, që nuk mori asnjë votë, por të ketë prapë grup parlamentar?

Le t’i mbajë PD vetë 15 deputetë.
Edhe nga këta, pse të mos i japim 5 Agron Shehut që edhe ai të krijojë një grup parlamentar?

Dhe PD të mbetet realisht me 10 deputetë. Tamam për një "klub shahu".

Kjo ndarje mandateve – që në fakt janë vota të demokratëve – për të krijuar grupe parlamentare fiktive, vetëm për përfitime financiare dhe për të punësuar 2-3 familjarë si “këshilltarë” apo “sekretare” grupi, është abuzim i pastër.

Pse shqiptarët duhet të sillen si votues stoikë, kur përfaqësuesit e tyre i shesin mandatet si mall në treg?
Pse demokratëve u kërkohet besnikëri dhe “ndershmëri” me votën, kur vetë vota e tyre përdoret si monedhë për të forcuar parti që kanë qenë gjithmonë kundër tyre?

Dhe pastaj pyesim: “Pse kemi 16 vjet në opozitë?”,-shkruan Murrizi./CNA

 





Lajmet e fundit nga