web counter
LEXO PA REKLAMA!

SHKARKO APP

App Store
Google Play

Arrestimi i Salianjit/ Rama: Lajmi më i mirë që kam dëgjuar

1 Nëntor 2024, 11:24, Politikë CNA

Arrestimi i Salianjit/ Rama: Lajmi më i mirë që kam dëgjuar

Për kryeministrin Edi Rama arrestimi i Ervin Salianjit është një nga lajmet më të mira që ka dëgjuar.

I ftuar në emisionin "Opinion" me Blendi Fevziun, Rama e quajti Salianjin një fabrikant faktesh të paqena, një mashtrues popullor që ka përdorur mandatin e deputetit për të degjeneruar publikisht kundërshtarin politik.  

Biseda me Fevziun në emision

Blendi Fevziu: Ku e dinit ju që Salianji do dënohej që i thatë do ta shohësh dhe ti do të dënohesh në parlament?

Edi Rama: Jo, unë nuk i thashë kështu. S’i thashë do ta shohësh. I thashë që nuk do ta shtysh pafund me raporte, me ikje dhe me shmangie. Unë dija atë që kam ditur që ditën një që ai ishte një fabrikim i ndyrë, skandaloz dhe kam pritur 6 vjet unë që ta shoh këtë rezultat. Nëse unë do kontrolloja drejtësinë dhe do isha gjykatës ai do ishte prej kohësh aty kush është sot.

Blendi Fevziu: A keni ndikuar ju te gjykatësit që të jetë atje ku është sot?

Edi Rama: O Fevzi ta thashë pra se ti edhe s’dëgjon. Po ta kontrolloj unë drejtësinë nuk do zgjaste 6 vjet. Kurrë. Sepse është një krim shumë i rëndë. Është vrasje pa gjak dhe pa të marrë jetën, por duke i marrë shpirtin, duke i marrë trutë e kokës jo një personi sepse në fund të fundit personi i goditur drejtpërdrejt, ministri i Brendshëm, unë që jam këtu, nuk është normale, por prapë i kemi dalë kësaj pune përballë.

Por janë nëna. Janë prindër. Janë fëmijë. Janë nipër. Janë mbesa që dëgjojnë këto tmerre dhe llahtarisen njerëzit nga gjithë ky tmerr. Këtë lloj tmerri më vjen keq ta them se je një nga përgjegjësit nuk e përjeton as Serbia, as Kosova, as Mali i Zi, as Maqedonia e Veriut, as Bosnja. Në të gjitha këto vende në rajonin tonë nuk ndodh kjo, nuk i kanë këto situata terrori të shpifjes dhe baltës çdo darkë./ CNA





Lajmet e fundit nga