web counter
LEXO PA REKLAMA!

SHKARKO APP

App Store
Google Play

E fundit!

x

26 vjet nga vrasja/ Deputetët e PD-së, homazhe te memoriali i Azem Hajdarit

12 Shtator 2024, 13:05, Politikë CNA
26 vjet nga vrasja/ Deputetët e PD-së, homazhe te memoriali i Azem
Foto nga homazhet. Burimi:LSA

Deputetët e Partisë Demokratike mbajtën homazhe dhe vendosën kurora me lule te memoriali i Azem Hajdarit, në 26-vjetorin e vrasjes së tij.

Deputetëve të PD-së iu bashkuan edhe bashkëshortja e Azem Hajdarit, Fatmira Hajdari, si dhe djemtë e liderit të Lëvizjes Studentore të Dhjetorit 1990.

Sekretari i Përgjithshëm i PD-së, Flamur Noka, tha se Azem Hajdari hyri në histori me kurajën dhe guximin për t'u përballur me regjimin më gjakatar në histori.

Teksa hodhi akuza ndaj qeverisë se ka instaluar në Shqipëri narkoregjim, ai deklaroi se mesazhi i Azem Hajdarit është më kumbues se kurrë.

26 vjet nga vrasja/ Deputetët e PD-së, homazhe te memoriali i Azem

“Azem Hajdari hyri në histori me trimërinë, me guximin dhe kurajën që tregoi për t’u përballur me diktaturën.
Azem Hajdari me studentët u përballën dhe sfiduan regjimin me gjakatar që ka pasur Shqipëria.
Ata dhanë një mesazh se vetëm guximi, përballja dhe kuraja është rruga e duhur kur ke përballë një regjim, një regjim që kundërshtarëve u tundte prangat ose plumbin.
Mesazhi i Azem Hajdarit sot është më adekuat se kurrë.
Në atë kohë ishte një regjim politik bolshevik, sot kemi një regjim më të egër, një narkoregjim, një regjim të krimit dhe bandave.
Ndaj sot, mesazhi i Azem Hajdarit është më kumbues se kurrë.
Regjimi do kurajë, regjimi do përballje, regjimi do t’i qëndrosh, regjimi do që të luftosh, ta rrëzosh.
Sot shqiptarët nga ky përkujtim, këtë mesazh kanë. Të ngrihemi, të përballemi dhe të rrëzojmë narkoregjimin që është edhe më i egër se regjimi Bolshevik”, theksoi Noka.

Kujtojmë se heroi i demokracisë, Azem Hajdari, u vra me armë zjarri jashtë godinës së selisë blu, më 12 shtator të vitit 1998./ CNA





Lajmet e fundit nga