E fundit!

14:42 Editorial

Çmenduria e një avokati të pandehur

Plarent Ndreca na qenka bërë sot autor i një zbulimi epoka...

Situata sot në Shqipëri më keq se në 1992

23 Korrik 2022, 22:17, Opinione Brisida Shehaj

Dikur flisnim për ndikimin e ndërkombëtarëve si shpresë për vendin tonë, flisnim dhe me adhurim për ndihmën që i jepej këtij vendit tonë të vogël për të ndryshuar mentalitetin tonë komunist.

Por vitet kaluan dhe jo pak, por plot 30 të tillë.

A është Shqipëria sot më e mirë se në ‘92???

Sinqerisht JO

Sot ke frikë të hapesh tv se sheh veç kronikë të zezë.

Sot nëse diku nxjerr pasaportën shqiptare të gjithë të shohin me dyshim.

Sot ke frikë të ulesh me të rinj e të bisedosh se fjalia e parë është do ikim e jo për bukën e gojës si dikur, e kjo është më e rëndë se eksodi në vitin 1992.

Sot rinia u kriminalizua, askush nuk preferon të punojë për 30000 lekë në muaj se ato i fiton në ditë.

Sot arsimi është në nivele skandaloze.

Në 1992 fermeri u largua për një jetë më të mirë pas rënies së komunizmit, sot e largon shteti se ashtu ka pazarin e rradhës.

Sot kemi më shumë të vrarë për pronën sesa patëm në 1997, e prap shteti pronën tënde e sheh si pazarin e rradhës.

Sot korrupsioni është në nivele të paimagjinueshme.

SOT SOT SOT

E sigurisht ti i drejtohesh vetes dhe thua a ja vlen beteja?

A ja vlen kjo betejë kur gjithçka është kundër teje?

Me gjithë lodhjen që mund të kemi mbi shpatulla, unë e plot si unë them se PO.

Tallavaja me grata e nongrata nuk është beteja jonë, sado të mundohen ta bëjnë të tillë.

Sot beteja jonë është kjo klasë pushtetarësh që po vjedhin e shkatërrojnë çdo centimeter të këtij vendi të bekuar, e sinqerisht as nuk pres asgjë nga askush.

Ky vend nuk bëhet as me frymën e shenjtë e as me raporte ndërkombëtarësh , sepse këtu VENDOSIM NE.

Askush tjetër veç NE

Prandaj ne nuk do ndalojmë as me aferën e INCENERATORËVE që do jetë guri ku do shkruhet dita kur Shqiperia fitoi mbi HAJNITË.

Por ne nuk do ndalojmë as për marrëveshjen e detit, as për korrupsionin në OSSHE, ARRSH, PPP

NE NUK DO NDALOJMË.

Ps “ndërkombëtarët miqtë e mi vijnë e ikin sa mbarojnë mandatin, kurse ne kemi lindur e do vdesim këtu”