web counter
LEXO PA REKLAMA!

SHKARKO APP

App Store
Google Play

Trondit Xhensila Myrtezaj/ “Mami u qëllua 7 herë me thikë nga babai para syve të mi”

6 Dhjetor 2024, 07:23, Lifestyle CNA

Trondit Xhensila Myrtezaj/ “Mami u qëllua 7 herë me thikë

Këngëtarja Xhensila Myrtezaj, si asnjëherë më parë, ka vendosur të rrëfejë pjesën më të vështirë të jetës së saj.

Ajo ka tronditur me historinë e saj, ku tregoi në emisionin e Arbana Osmanit, "Mirëmbrëma yje", se babai i saj nuk pranoi divorcin dhe e qëlloi 7 herë me thikë nënën e saj, e cila si pasojë ka humbur dhe njërën nga duart.

Këngëtarja mes lotësh dhe zërin që i dridhej, rrëfeu se babai i saj ishte nën efektin e alkoolit dhe se ngjarja kishte ndodhur para syve të saj.

“Është një periudhë tmerrësisht e rëndë e jetës sime. Mund të ketë ardhur dhe koha ta them.

E di pse e dua shumë mamin tim dhe e vlerësoj dhe në të njëjtën kohë edhe e gjykoj që nuk pati mundësinë që t’i jepte fund asaj martese para se të ndodhte ajo që sytë e mi panë asaj kohe.

Im atë nuk pranoi të divorcohej nga nëna ime dhe nëse njerëzit mund të hulumtojnë mami im ka qenë rasti i asaj gruas që u plagos me 7 thika dhe humbi njërën nga duart dhe e gjitha kjo ka qenë një verpim që ka ndodhur në sytë e mi. Unë kam parë nënën time teksa therej për këtë vendim, dhe gjithmonë e kam ruajtur shumë këtë sekret dhe nuk e di pse e thashë se nuk dua të lëndoj as babain tim se e di që është penduar shumë për atë veprim, por nuk ka qenë në dijeni se ç'po bënte se ka qenë nën efektin e alkoolit. Gjithsesi nëna ime e ka falur.

Ai është babi im dhe këtë nuk e ndryshon asgjë në botë. Mbaj mend që im atë ka qenë në burg, ishte bërë divorci, prindërit e mamit ishin kundër që unë të kisha kontakt me tim atë. Sigurisht kishin të drejtë, i kishin masakruar vajzën po nuk mund të marrësh hakmarrje te fëmija i tjetrit.

Mbaj mend mamin që fshehurazi më ka çuar dhe kam takuar tim atë në burg.

Edhe më thoshte që ai është babai yt, ndiente keqardhje edhe pse ai e kishte masakruar. Kështu janë femrat mbulojnë tjetrin mundohen të falin për hir të fëmijëve”, tregoi Xhensila Myrtezaj./ CNA





Lajmet e fundit nga