E fundit!

11:13 Aktualitet

Eskortat e burgjeve në protestë/ Dalin emrat “VIP” që mbështesin tubimin

Prej disa ditësh, një valë e re protestash ka nisur duke m...

“Stani”, fillimi i një dekade të re/ Bleona vjen si një "Amazonë Moderne”

26 Tetor 2024, 11:05, Lifestyle CNA

Thuaj “Bleona” me zë të lartë dhe energjia e saj shpërthyese do të ndryshojë jetën!

Ajo është BLEONA, mbretëresha e POP-it shqiptar!

Aftësia krijuese dhe talenti e kanë mbajtur në vend të parë kurdo dhe kudo. Gjithmonë një hap përpara, një sukses më shumë, një risi më shumë – një uragan i pandalshëm.

Vitet '90 nuk ishin aspak si sot. Të gjithë ishin të kornizuar, ende të pamësuar me ndryshimin, ndërsa Bleona guxonte dhe nxirrte nga shinat një shoqëri të përgjumur me një karakter totalisht kontrovers, veshjet ekstravagante dhe muzikën moderne me të cilën shënoi emrin e saj me shkronja të arta.

Mediat (aspak rozë të kohës) e vendosnin në faqet e para yllin e ri të muzikës shqiptare. Ajo bënte lajm dhe kur thjesht buzëqeshte.

Kohët e vështira në Shqipërinë e tranzicionit nuk e ndaluan. Në vitin 1997, Bleona publikoi albumin e saj të parë, me videoklipe të realizuara në Itali dhe Gjermani – në një kohë kur Evropa ishte ende një ëndërr e paprekshme për shqiptarët.

“Stani”, fillimi i një dekade të re/ Bleona vjen si

E ndjente dashurinë e publikut, dëshirën ulëritëse për muzikën e saj dhe kështu nisi rrugëtimin fantastik të tureve të para në fillimet e viteve 2000, duke mbushur sheshet shqiptare, e vetme pa asnjë të ftuar.

Në vitin 2012, koncertet e tour-it të saj tejkaluan çdo parashikim, duke arritur mbi 70,000 spektatorë. Përveç talentit dhe muzikës së mirë, ajo solli për herë të parë në Shqipëri elemente botërore të organizimit të koncerteve, duke sjellë teknologjinë më të fundit të skenës, dritave, ledeve dhe kamerave, si dhe një staf të ardhur posaçërisht nga Amerika.

Sot, në 2024, teksa jemi në kohën e koncerteve madhështore, Bleona shikon me krenari pas, por vazhdon të jetë një hap përpara. Ajo ka kaluar në një tjetër nivel, atë të bashkëpunimeve ndërkombëtare. "Uria" për muzikë dhe art cilësor e shtyu të bashkëpunojë me producentët më të famshëm në botë. Ajo është artistja e parë shqiptare me një kontratë ekskluzive me një nga kompanitë më të njohura muzikore në SHBA – Create Music Group.

Nga majat e klasifikimeve muzikore në "Billboard" dhe mbi 7 milionë CD të shitura, ka ardhur koha për një super-mega hit në shqip! Por, si gjithmonë, në versionin “Bleona” – një tjetër dimension.

“Stani”, fillimi i një dekade të re/ Bleona vjen si

Është hera e parë në historinë e muzikës shqiptare që një label amerikan do të promovojë dhe shpërndajë muzikë shqiptare.

Nuk ndalet së mbajturi të gozhduar audiencën e saj jo vetëm në muzikë, por edhe në kinematografi, seriale televizive dhe reality shoë.

Një multibrand hollivudian, siç vetëm Bleona mund ta realizojë.

“Stani”, një këngë e shkruar për sopranon e njohur, të madhen Tefta Tashko Koço nga pena e Lasgush Poradecit, rikthehet me krenari si një perlë e trashëgimisë kulturore, por me vulën unike të Bleonës.

Videoja është e bazuar në mitologjinë greke, konkretisht tek Amazonat, të cilat ishin bijat e Aresit, perëndisë së luftës. Amazonat ishin gra të bukura, por luftarake, të njohura për guximin dhe krenarinë e tyre. Ato jetonin jashtë normave dhe kufizimeve të vendosura për gratë e tjera të asaj kohe. Homeri shkruante se ato ishin "të barabarta me burrat" dhe se luftuan kundër tre heronjve grekë: Herkulit, Tezeut dhe Bellerofonit.

Amazonat përfaqësonin një shoqëri feministe dhe merreshin me aktivitete tradicionale të dominuara nga burrat, si kalërimi, gjuetia dhe lufta. Burrat ishin të mirëpritur vetëm për qëllime të riprodhimit, pas të cilave vriteshin...

“Stani”, fillimi i një dekade të re/ Bleona vjen si

Dhe “Stani” është pikërisht një përrallë, një histori e një Amazone që magjeps të gjithë me bukurinë e saj “vrastare”.

Bleona, një "Amazonë Moderne”, me magjinë e bukurisë së saj, prish motorin e një djali që po kalon rrugës. Ai mbetet i habitur kur sheh Bleonën që hyn në shtëpi, ndërsa nga mbrapa e ndjek një tigër që duket totalisht nën komandën e saj. I mahnitur nga bukuria e saj dhe i intriguar për të mësuar më shumë, djaloshi vendos të shkojë në shtëpi për të kërkuar vegla për motorin e prishur dhe e gjen Bleonën duke përgatitur ushqim për tigrin, (i cili sillet si një mace e zakonshme).

I intriguar nga fakti që tigri është plotësisht nën urdhrat e saj, ai vendos të shkojë një hap më tej, në dhomën e gjumit, duke menduar se do bëjë dashuri me Amazonen. Por atje e pret një surprizë, një kafshim nga ajo dhe befas kupton se edhe ai tashmë është kthyer në një tigër.

Bleona përfundon duke dalë nga shtëpia me dy tigra, duke lënë pas pjesët e motorëve të prishur, ndërsa në horizont shfaqet një djalë i tretë, që duket qartazi se do të jetë viktima e radhës së Amazones fatale.

“Stani” është vetëm fillimi... i një dekade të re të Bleonës në muzikën botërore dhe shqiptare.