web counter
LEXO PA REKLAMA!

SHKARKO APP

App Store
Google Play

E fundit!

x

Sjellin fat/ Ushqimet që duhet të konsumojmë natën e Vitit të Ri

31 Dhjetor 2023, 10:00, Lifestyle CNA
Sjellin fat/ Ushqimet që duhet të konsumojmë natën e Vitit
Foto ilustruese

Nëse doni begati dhe fat për Vitin e Ri, duhet ta nisni nga tavolina. 

Në fakt, ka ushqime që janë simbol i fatit të mirë dhe për këtë arsye duhen konsumuar për darkën e Vitit të Ri. Zbulojini më poshte se çfarë ushqimesh duhet të konsumoni në datën 31 dhjetor.

Frutat e thata - Është një traditë fatsjellëse sidomos e Francës ku duhen ngrënë, në natën e ndërrimit të viteve, 13 lloje të ndryshme frutash të thata.

Thjerrëza - Thjerrëzat simbolizojnë paratë! E kush nuk do donte të kishte më shumë para në 2024-ën! Pjata me thjerrëza përdoret si fatsjellëse kryesisht në traditën italiane madje kjo traditë daton që në kohën romakëve.

Orizi - Mund të jetë edhe prej emrit që evokon gëzim e të qeshura, por orizi është konsideruar gjithmonë si fatsjellës. Jo më kot është përdorur si urim në martesa. Orizi më i mirë i fatit është ai i shoqëruar me shegë.

Mishi i derrit - Tingëllon çuditshëm, por për disa kultura mishi i derrit simbolizon prosperitet. Veçanërisht fatsjellëse konsiderohet hunda e derrit, e cila nuk duhet t’i mungojë tavolinës suaj. Ajo simbolizon progresin. Mishin e derrit mund ta konsumoni në të gjitha format e tij, si proshutë, pancetë, rosto etj.

Speci djegës - Në fakt, speci djegës është në krye të listës së ushqimeve fatsjellëse. Për pjesën më të madhe të popujve, speci përdorej si urim për pjellorinë, jo vetëm në familje, por edhe në agrikulturë.

Lakra jeshile - Përveçse është produkt i stinës, lakra jeshile është edhe fatsjellëse. Ngjyra e shpresës e përfshin atë në listën e ushqimeve që duhen futur në pazarin e festave.

Rrushi - Tradita thotë se duhet ngrënë një kokërr rrush për të gjitha trokitjet e fundit të sekondave të orës, në mesnatë, përpara ndërrimit të viteve./Botasot





Lajmet e fundit nga