web counter
LEXO PA REKLAMA!

SHKARKO APP

App Store
Google Play

E fundit!

x

Modelja bie nga shkëmbi piktoresk duke bërë “selfie” dhe humb jetën

9 Prill 2024, 16:01, Lifestyle CNA
Modelja bie nga shkëmbi piktoresk duke bërë “selfie”
Modelja ruse

Një estetiste dhe modele në rrjet ka rënë për vdekje nga 60 metra kur humbi ekuilibrin teksa tentonte të bënte foto të vetes nga një shkëmb panoramik, duke shokuar vizitorët e pranishëm.

39-vjeçarja ruse Inessa Polenko kishte rrëshqitur pasi kaloi një barrierë mbrojtëse dhe humbi ekuilibrin duke rënë në plazhin poshtë shkëmbit Gagry në Abkazi, sipas dëshmitarëve okularë.

Mjekët erdhën me shpejtësi në vendngjarje, por e ndjera humbi jetën pak më vonë në spital prej rënies nga shkëmbi pranë Detit të Zi.

Estetistja postonte shpesh në "Instagram" për 9,000 ndjekësit e saj, nga vendndodhje të ndryshme si Dubai, Egjipti apo Krimea.

Estetistja punonte në Moskë dhe në resortin e njohur rus Sochi, ku dhe jetonte.

Funerali i saj do të mbahet sot në Sochi, teksa autoritetet gjeorgjiane thanë se një hetim po mbahet për rrethanat e vdekjes së vizitores ruse.

Tragjedia vjen megjithë paralajmërimet në media për rrezikun e fotove nga pika të larta ose të pasigurta prej humbjes së vëmendjes dhe ekuilibrin që po shkaktojnë plagosje apo humbje jete mes njerëzve naivë.

Një studim në Australi, bazuar mbi disa studime të shkaqeve të vdekjeve, thotë se tentativat e fotove janë një nga shkaqet madhore të vdekjeve aksidentale, me të paktën 500 vdekje të deklaruara në dhjetë vjetët e fundit, nga pakujdesia duke bërë foto në vende të rrezikshme.

Mes tyre shumica kanë qenë turiste femra mes moshave 20 deri në 30 vjeç, nga rrëzime apo mbytje në ujë duke bërë foto.

Studiuesit thonë se publiku duhet të paralajmërohet vazhdimisht për rrezikun e këtij aktiviteti, i cili duhet të cilësohet si një “rrezik publik”.

 





Lajmet e fundit nga