web counter
LEXO PA REKLAMA!

SHKARKO APP

App Store
Google Play

E fundit!

x

Irma Libohova refuzoi ftesën për të performuar me Erandën në festival/ Zbardhen prapaskenat e sherrit mes motrave

24 Dhjetor 2022, 13:28, Lifestyle CNA
Irma Libohova refuzoi ftesën për të performuar me Erandën
Irma dhe Eranda Libohova

Luan Zhegu, Aleksandër Gjoka, Redon Makashi e shumë artistë të tjerë, performuan në skenën e festivalit të RTSH, në duel me artistët që konkuruan këtë vit në edicionin e 61-të.

Teksa të gjithë po prisnin që në skenë të ngjiteshin edhe dy motrat Libohova për të performua këngën e tyre ikonike “Të kërkoj në ëndërrimë”, ato kanë refuzuar të pajtohen së bashku qoftë edhe në skenë.

Kënga e tyre u këndua nga Evi Reçi dhe Rosela Gjylbegu.

Pak muaj më parë Irma Libohova u ngjit në po të njëjtën skena gjatë tek “Kënga Magjike”, por me sa duket ftesën e festivalit të RTSH e ka refuzuar vetëm për të mos u përballur me motrën, me të cilën nuk flet prej vitesh.

Këtë moment nuk e kaloi pa e përmendur as moderatorja Arbana Osmani.

 “Unë do doja të përshëndes Irma Libohovën nga ekrani, që me siguri po na ndjek tani. Shpresoj që këtë këngë ta dëgjojmë edhe një herë tjetër nga motrat Libohova. Vërtet!”

Marrëdhënia ndërmjet dy motrave prej kohësh është një nga më të komentuarat nga publiku. Ato nuk flasin prej vitesh, por konflikti ndërmjet tyre nuk është i qartë.

E me sa është vënë re ato përpiqen të shmangin festat dhe eventet e përbashkëta.

Madje pak kohë më parë në një gëzim familjar, ato jo vetëm që nuk kanë folur, por edhe në foto kanë dalë të ndara.

Kështu ka ndodhur në ditëlindjen e mbesës së dy motrave Libohova, ku përveç fotove me njerëz të njëjtë dhe ambient të njëjtë, ato nuk kanë pranuar as të fotografohen së bashku.

Motrat gjithashtu nuk e ndjekin njëra-tjetrën në Instagram.

Por pavarësisht të gjitha këtyre, ato gjithmonë do jenë dy motrat Libohova, që i kanë dhuruar publikut perla të pafundme në muzikë./CNA.al





Lajmet e fundit nga