web counter
LEXO PA REKLAMA!

SHKARKO APP

App Store
Google Play

Dua Lipa shkruan histori në Glastonbury/ BBC: Performancë ambicioze dhe dinamike

29 Qershor 2024, 22:11, Lifestyle CNA
Dua Lipa shkruan histori në Glastonbury/ BBC: Performancë ambicioze
Dua Lipa. Burimi i Fotos: BBC

Dua Lipa shkruan histori në Glastonbury – BBC me lëvdata të mëdha për artisten shqiptare

Këngëtarja shqiptare me famë botërore, Dua Lipa, performoi në festivalin më të madh britanik, Glastonbury Festival.

Artistja me prejardhje nga Kosova, ishte këngëtarja e natës e këtij festivali dhe performoi para 100 mijë njerëzve.

BBC shkruan se ylli i popit ngjiti skenën me një performancë ambicioze dhe dinamike.

Ajo këndoi hitet e saj më të njohura si Training Season, One Kiss, Illusion, Break My Heart dhe Levitating. Secila prej tyre ishte e shoqëruar me nga një koreografi të veçantë që la pa frymë pjesëmarrësit.

Mediumi britanik gjithashtu lavdëroi koreografitë e saj, të cilat thotë se lanë njerëzit pa frymë dhe ritmi i performancave të artistes shqiptare nuk u ndal gjatë gjithë natës.

Dua Lipa përmbylli performancën me këngën hit “Houdini”.

Gjatë skenës ajo vazhdimisht tha se e kishte manifestuar pikërisht momentin kur do të performonte në Glastonbury duke theksuar gjithashtu se kishte ëndërruar që të ishte artistja kryesore e këtij festivali edhe përpara se të regjistronte albumin e saj të parë.

“E kam shkruar këtë moment në letër, e kam dëshiruar dhe e kam ëndërruar duke punuar shumë”, i thoshte ajo turmës.

Dua Lipa është shqiptarja e parë që ka fituar çmime Grammy./CNA

 

 





Lajmet e fundit nga