“Don Zhuani” i kinemasë franceze/ Lidhjet e Alain Delon, aktori që bëri për vete një mijë vajza

19 Gusht 2024, 11:54, Lifestyle CNA

“Don Zhuani” i kinemasë franceze/ Lidhjet e Alain Delon, aktori

Alain Delon dhe Romy Schneider

Alain Delon, aktori dhe producenti francez, u nda nga jeta të dielën, në moshën 88-vjeçare.

Në kulturën popullore franceze, ai ende konsiderohet si një nga gjigantët e kinematografisë botërore, falë bukurisë hipnotike dhe enigmatike të performancave të tij.

Përveç suksesit të padiskutueshëm në karrierë, Delon njihet si një person joshës, që ka bërë për vete mijëra femra.

Aktori u cilësua në Francë si “rrëmbyesi i zemrave”, për shkak të karakterit të tij xhentil, sharmant, por edhe bukurisë së tij.

Kush ishte Alain Delon?/ Ikona enigmatike e kinemasë franceze, “me fytyrë engjëlli”
18 Gusht, 15:39

Mediat raportojnë se gjatë jetës së tij ai kishte më shumë se një mijë të dashura, mes tyre aktore, këngëtare dhe modele.

Vajza që i rrëmbeu atij zemrën ishte aktorja Romy Schneider, e njohur si “Sissy”.

Pavarësisht kimisë së tyre, nuk ishte dashuri me shikim të parë për aktoren gjermane.

Ajo e mendoi se Delon ishte "arrogant" kur u takuan për herë të parë në vitin 1958, megjithatë me kalimin e kohës lidhja e tyre u forcua. Ata u fejuan brenda pak muajsh, edhe pse nuk u martuan kurrë.

Alain Delon dhe Romy Schneider

Pas 4 vitesh, Delon e la atë me letër, por ata u ribashkuan për të bërë "The Swimming Pool" në 1968.

Aktori e quajti Romyn "dashurinë e jetës" pas ndarjes së saj tragjike nga jeta në 1982.

Një tjetër lidhje e përfolur e producentit ishte me këngëtaren dhe aktoren e “Velvet Underground”, Nico, me origjinë gjermane. Kjo e fundit pretendoi se kishte një djalë me Delon, Christian Aaron Boulogne, i cili lindi në vitin 1962. Delon gjithmonë e mohoi se ishte babai.

Natalie Delon ishte e vetmja grua me të cilën u martua Delon. Çifti u takuan në një klub nate në Paris. Ajo ishte shtatzënë kur u martuan në fshehtësi në vitin 1964.

Por marrëdhënia ishte gjithmonë e stuhishme dhe ata u divorcuan në vitin 1969, pasi Delon u lidh me modelen dhe aktoren Mireille Darc.

Alain Delon dhe Mireille Darc

Me këtë të fundit ai ka pasur edhe lidhjen më të gjatë.

Dalida, diva e Pop-it, yll ndërkombëtar i këngës në vitet 1960 dhe 1970, pati një shkëndijë me Delon, kur ishin fqinj.

Ata ringjallën pasionin e tyre fshehurazi një dekadë më vonë në Romë, ndërsa ai ishte i martuar.

Delon tha se ndihej “plot keqardhje” kur ajo vrau veten në vitin 1987.

Një tjetër raport që krijoi Delon ishte me Rosalie van Breemen, modelen holandeze 21 vjet më të vogël, të cilën e takoi teksa realizonte një videoklip në vitin 1987. Ata patën dy fëmijë, por u ndanë në vitin 2001./ CNA