Fakte interesante/ Si festohet Viti i Ri në disa vende

31 Dhjetor 2024, 20:15, Kuriozitete CNA

Viti i Ri ka tradita të ndryshme festimi që lidhen me besimet dhe kulturat e popujve.

Shoqërohet me rite për largimin e fatit të keq apo shpirtrave të këqij në ato shoqëri që kanë besime të tilla.

Përveç bestytnive në çdo vend të botës ka një gatim përfaqësues për natën e ndërrimit të viteve që lidhet me manifestimin e fatit të mirë dhe shtimit të pasurisë dhe mirëqenies në vitin që pritet.

Më poshtë po sjellim disa nga ushqimet dhe ritet sipas vendeve.

Spanja

Në Spanjë, është traditë e vjetër ngrënia e 12 kokrrave rrush nga një për çdo zile të kambanave të kishës që tregojnë se ka shkuar ora 00:00 në mesnatën e Vitit të Ri. Çdo kokërr rrushi përfaqëson të pasurit fat për 12 muajt e ardhshëm të vitit.

Danimarka

Banorët e Danimarkës mirëpresin ardhjen e Vitit të Ri duke thyer pjata dhe gota të vjetra te dyert e familjarëve dhe miqve për të larguar shpirtrat e këqij.

Danimarka

Banorët e Danimarkës mirëpresin ardhjen e Vitit të Ri duke thyer pjata dhe gota të vjetra te dyert e familjarëve dhe miqve për të larguar shpirtrat e këqij.

Ata gjithashtu qëndrojnë në karrige dhe hidhen prej tyre së bashku në mesnatë për të uruar një vit me sa më shumë fat.

Finlanda

Në Finlandë, njerëzit parashikojnë vitin e ardhshëm duke hedhur kallaj të shkrirë në një enë me ujë, dhe në bazë të formës që merr metali përcaktojnë se si do të shkojë viti i ardhshëm. Një zemër ose unazë do të thotë një martesë, ndërsa një anije parashikon udhëtime ndërsa derri tregon se ushqim do të ketë me bollëk.

Panamaja

Për të larguar shpirtrat e këqij për një fillim viti, është traditë të digjen figura (muñecos) të njerëzve të njohur si personazhe televizive dhe figura politike në Panama. Figurat përfaqësojnë vitin e vjetër që po ikën.

Skoci

“Këmba e mbarë” është një traditë e vjetër në Skoci. Personi i parë i cili kalon pragun e shtëpisë në natën e Vitit të Ri duhet të marrë një dhuratë për të pasur fat.

Filipinet

Do të gjeni fruta me formë të rrumbullakët në të gjitha tavolinat e shtruara në Filipine në natën e Vitit të Ri. Ato simbolizojnë prosperitet për vitin e ardhshëm.

Shumë familje vendosin një mori frutash në tavolinat e tyre të ngrënies dhe disa hanë saktësisht 12 fruta të rrumbullakëta (rrushi është më i zakonshmi) në mesnatë.

Brazili

Në Brazil, si dhe në vende të tjera të Amerikës Qendrore dhe Jugore si Ekuador, Bolivia dhe Venezuela, mendohet se është me fat të veshësh të brendshme speciale në natën e Vitit të Ri. Ngjyrat të cilat vishen më shumë janë e kuqja, që mendohet se sjell dashuri në Vitin e Ri dhe e verdha, që mendohet se sjell para./ CNA