E fundit!

12:50 Aktualitet

GJKKO gjobit avokatin e pandehur të Erion Veliajt

GJKKO ka gjobitur avokatin e pandehur të kryebashkiakut të...

“E shkuar e pakryer” ose strategjia e harresës

28 Tetor 2024, 10:56, Kulturë CNA

Pedagogu dhe politologu Ermal Hasimja sjell mendimin e tij te publiku në një formë krejt të ndryshme.

Me romanin e sapobotuar “E shkuar e pakryer” ai sjell historinë e vërtetë të gjyshes së tij përgjatë komunizmit.

“E shkuar e pakryer” ose strategjia e harresës

E ndarë për 44 vjet nga familja në vendlindjen e saj, Gjakovë, dhe me burrin e dënuar nga regjimi komunist, personazhi kryesor kalon përmes kalvarit të jetës duke u përpjekur të ruajë dinjitetin njerëzor.

E gjithë jeta e saj ritmohet nga kërkesa për t’u kthyer në vendlindje çdo të martë në mëngjes. Ritakimi me vëllanë e vogël në Gjakovë ndodh në kushte akoma më shkatërruese se vetë ndarja.

Hasimja ka ngritur një paralelizëm mes harresës si shpëtim nga vuajtjet e individit dhe harresës kolektive të shoqërisë për ideologjinë dhe regjimin komunist. Romani nuk ka hero fitimtar e as mbyllje të lumtur për protagonistët.

Duket se qëllimi i tij kryesor është të ngrejë pyetje. Janë pyetje që nuk tërheqin më sot vëmendjen nëpër debatet mediatike të nënshtruara ndaj kureshtjes momentale të audiencës.

A është një strategji e mirë të harrosh atë që ka ndodhur në komunizëm?

A i zhduk harresa të këqijat apo thjesht i hap rrugën ripërsëritjes së tyre në ndonjë formë tjetër më bashkëkohore?

A kemi nxjerrë ndonjë mësim nga komunizmi ne si shoqëri?/ CNA