web counter
LEXO PA REKLAMA!

SHKARKO APP

App Store
Google Play

E fundit!

x

Zbardhet enigma/ Pse nisi përplasja mes Ervin Matës dhe Ramazan Rrajës

28 Maj 2024, 18:50, Kronika CNA

Zbardhet enigma/ Pse nisi përplasja mes Ervin Matës dhe Ramazan

Në një episod të zbërthyer nga bisedat e koduara nga SKYECC në Francë, organizatori i një atentati të dështuar, Plarent Dervishaj, rezulton të ketë bashkëpunuar në vendosjen e tritolit në biznesin e babait të Ervin Matës.

Ky akt ka ndodhur më 30 maj 2020 dhe kryesor në ngjarje është identifikuar Ramazan Rraja, nipi i ish-deputetit socialist, Rrahman Rraja.

Konflikti mes Ramazan Rrajës dhe Ervin Matës është pasqyruar si shkak i vendosjes së tritolit, megjithëse shkaqet e konfliktit nuk janë të qarta.

Ramazan Rraja ka vendosur të bëjë këtë akt për të tërhequr vëmendjen te babai i Matës.

Bisedat e koduara tregojnë se Rraja ka siguruar një automjet dhe një nga të afërmit e tij ka realizuar hedhjen e lëndës eksplozive në Hotelin "Viktoria", pronë e Luan Matës, babait të Ervin Matës.

Bashkëpunëtorë në këtë ngjarje janë identifikuar si Plaurent Dervishaj dhe Juljan Mecaj, të cilët janë në arrati në Dubai sipas SPAK.

Grupi i dyshuar për planifikimin e vrasjes së juristit Mitri Prifti gjatë një periudhe harku kohor midis 04 shtator 2020 dhe 30 janar 2021 është zbuluar nga bisedat e koduara.

SPAK raporton se Gentjan Ndërjaku, një prej të pandehurve, ka siguruar kushtet dhe mjetet materiale për të kryer vrasjen, megjithëse plani nuk është realizuar ende.

Motivi i mundshëm për këtë veprim ende nuk është i qartë. Gjithashtu, grupi i dyshuar është përfshirë në planifikimin e vrasjes së Arben Mërkurit (Maneci), një personazh me precedentë penalë në fushën e drogës dhe vrasjeve.

Mërkuri u ekzekutua më 18 maj 2022 në Sukth, megjithëse autorët e vrasjes ende nuk janë të identifikuar.  SPAK ka njoftuar se grupi ka siguruar kushtet për vrasjen e tij, por nuk ka bërë përmendje nëse plani u finalizua prej tyre./ CNA





Lajmet e fundit nga