web counter
LEXO PA REKLAMA!

SHKARKO APP

App Store
Google Play

E fundit!

x

Vijon zjarri në Skuraj/ Në terren 50 forca të Bashkisë Kurbin dhe 30 ushtarë

12 Korrik 2025, 17:30, Kronika CNA

Vijon zjarri në Skuraj/ Në terren 50 forca të Bashkisë

Zjarri i rënë një ditë më parë në masivin pyjor të fshatit Skuraj të Kurbinit, vijon të jetë aktiv, por me itensitet të ulët .Pasditen e së premtes pati ndërhyrje nga ajri me helikopterin e forcave të armatosura, por pa arritur t'i shuajë plotësisht flakët e zjarrit të cilat përshkak të dendësisë së bimësisë u përhapën me shpejtësi në disa drejtime.

Sipas të dhënave nga Mbrojtja Civile, që prej oreve të para të mëngjesit të kësaj të shtunë në terren ndodhen 50 forca të Bashkisë Kurbin dhe 30 efektiv të forcave të armatosura.Ata po krehin të gjithë masivin pyjor me qëllim shurajen e plotë të vatres së zjarrit.

Drejtori i Përgjithshëm i Shërbimit Zjarrfikës Arben Cara, thotë se vemendja është përqëndruar në shuarjen e plotë të këtij zjarri dhe është ende herët për të folur për shkakun e tij.

 

"Situata për momentin është stabël, vatra e zjarrit per momentin është aktive. Kemi nisur punën me forca shtesë edhë nga Kamëza. Po punojmë por vatra e zjarrit është shumë aktive. Është ende shpejt të flasim për vatra zjarri të qëllimshme apo jo sepse ka patur një erë që për 1 minut e ka përhapur shumë shpejt flakët", tha Cara.

 

 

Zjarri në masivin pyjor të fshatit Skuraj të Kurbinit u shfaq mesditën e së premtes, ndërsa terreni i thyer pengoi ndërhyrjen e forcave nga toka, duke detyruar strukturat e Mbrojtjës Civile që të kërkojnë ndihmën e helikopterit të Forcave të Armatosura.

Ndërkohë në aksion krahas zjarrfikësve të Kurbinit, u angazhuan dhe ata të Lezhës, Mirditës dhe Kamzës./ CNA





Lajmet e fundit nga