web counter
LEXO PA REKLAMA!

SHKARKO APP

App Store
Google Play

Vijon "Operacionalja"/ Vihet në pranga 31-vjeçari në kërkim ndërkombëtar

21 Prill 2025, 14:12, Kronika CNA

Vijon "Operacionalja"/ Vihet në pranga 31-vjeçari në

Vijon operacioni i koduar “Operacionalja”, për kapjen e personave të shpallur në kërkim. Në prangat e policisë ka rënë 31-vjeçari D. D., të cilit Gjykata e Prishtinës i ka caktuar masë sigurie “Arrest në burg”.

31-vjeçari, i akuzuar “Shkelje e ligjit për lëndët narkotike (kokainë)”, u arrestua në qytetin e Kukësit.

Arrestimi i tij u bë me qëllim ekstradimin e tij drejt Kosovës.

 

Njoftimi i policisë

Finalizohet një tjetër fazë e operacionit policor të koduar “Operacionalja”, për kapjen e personave në kërkim ndërkombëtar.

Operacioni nga Drejtoria e Forcës së Posaçme Operacionale në Departamentin e Policisë Kriminale.

Kapet në Kukës një 31-vjeçar i shpallur në kërkim ndërkombëtar nga Kosova, për veprimtari kriminale në fushën e narkotikëve.

Në vijim të operacioneve të njëpasnjëshme të zhvilluara nga Drejtoria e Forcës së Posaçme Operacionale, paraditen e sotme është finalizuar një tjetër fazë e operacionit policor të koduar “Operacionalja”, konkretisht:

Operacionalja 41, në kuadër të të cilit, nga ana e Drejtorisë së Forcës së Posaçme Operacionale, u bë e mundur lokalizimi në qytetin e Kukësit, kapja dhe ndalimi me qëllim ekstradimi i shtetasit D. D., 31 vjeç, banues në Kukës.

Ky shtetas rezulton i shpallur në kërkim ndërkombëtar pasi Gjykata e Prishtinës/Kosovë, më datë 14.04.2025, i ka caktuar masën e sigurimit “Arrest me burg” për veprën penale “Shkelje e ligjit për lëndët narkotike (kokainë)”, të parashikuar nga Kodi Penal i Kosovës.

Operacioni vijon për kapjen e personave të tjerë të shpallur në kërkim ndërkombëtar dhe kombëtar./ CNA





Lajmet e fundit nga