U premtuan “tokën e ëndrrave”/ Skema që ndiqnin drejtoresha dhe mësuesja e “Qemal Stefës”

10 Qershor 2024, 21:09, Kronika CNA

U premtuan “tokën e ëndrrave”/ Skema që ndiqnin

Klotilda Jaupi dhe Valentina Lamaj, foto ilustruese

Autoritetet kanë zbardhur skemën se si mësuesja dhe drejtoresha e shkollës Qemal Stafa mashtronin të rinjtë shqiptarë duke u premtuar bursa dhe mundësi pune në SHBA.

Drejtoresha e gjimnazit “Qemal Stafa”, Klotilda Jaupi dhe mësuesja e anglishtes Valentina Lamaj në bashkëpunim me njëra-tjetrën kishin krijuar një projekt të ashtuquajtur “Let’s Talk Together About US2024”, i cili pretendohej se ishte ngritur nga Ministria e Arsimit në bashkëpunim me Ambasadën e SHBAA-së me qëllim për të ndihmuar të rinjtë shqiptarë.

Ato i mashtronin studentet duke flasifikuar dokumentet për ofrimin e bursave të studimit për në SHBA.

“Departamenti i Policisë Kriminale, në drejtimin e Prokurorisë së Tiranës, hetime të përbashkëta me zyrtarë të zbatimit të ligjit të ambasadës së SHBA-së në Tiranë, për zbulimin dhe goditjen e një skeme mashtrimi për ofrimin e mundësive/bursave për studentët, për studime në SHBA.

Në vijim të veprimeve hetimore, Policia ekzekutoi vendimin e Gjykatës, për ushtrimin e kontrollit në banesën e shtetases V. L., zyrtare arsimore në nivel vendor, pjesë e Drejtorisë së Përgjithshme të Arsimit Parauniversitar në Ministrinë e Arsimit.

Shtetasja V. L. është vënë në hetim, bashkë me shtetasen K. J., pasi dyshohet se në bashkëpunim me shtetas të tjerë, kanë krijuar një skemë mashtrimi, duke falsifikuar dokumente, për ofrimin e mundësive/bursave për studentët, për të studiuar në universitetet e SHBA-së, nëpërmjet projektit të njohur si “Let’s Talk Together About US24”, njoftoi Policia.

Një reagim pati dhe nga Ambasada e SHBA e cila u bëri thirrje qytetarëve shqiptarë që të jenë të kujdesshëm dhe mos bien pre e mashtrimeve.

“Ambasada e SHBA është në dijeni të një të ashtuquajturi projekt të njohur si “Let’s Talk Together About US24.” Ky grup nuk ka asnjë lidhje me Ambasadën e SHBA, Departamentin e Shtetit të SHBA, Departamentin e Arsimit të SHBA, programet tona arsimore ose personelin e ambasadës. Shërbimi i Sigurisë Diplomatike i Departamentit të Shtetit të SHBA do të vazhdojë të punojë me Policinë e Shtetit teksa ajo heton përmasat e kësaj skeme mashtruese.

U bëjmë thirrje të gjithë shqiptarëve të jenë të kujdesshëm ndaj mashtrimeve që garantojnë udhëtime falas në Shtetet e Bashkuara, si dhe viza amerikane pa pagesë ose me kosto të ulët. Gjithashtu, i bëjmë thirrje kujtdo që të kontaktojë Ambasadën e SHBA nëse dyshon se ndonjë person ose organizatë përpiqet të paraqesë veten në mënyrë të gënjeshtërt si të lidhur me ambasadën”, shkruan Ambasada e SHBA-së./ CNA