web counter
LEXO PA REKLAMA!

SHKARKO APP

App Store
Google Play

E fundit!

x

Sot i arrestuar për vrasje, dhe me 189 vepra penale "mbi shpinë"/ Si promovohej dikur në media "kobra" Dibran Hoxhaj

3 Janar 2023, 18:16, Kronika CNA

Sot i arrestuar për vrasje, dhe me 189 vepra penale "mbi

Dibran Hoxhaj, është pronari i lokalit “Kobra City” në Prizren, i cili u arrestua sot pasi qëlloi me armë drejt 3 të rinjve nga Kukësi.

Sherri nisi në lokal, ku të rinjtë nuk kishin dashur të paguanin një faturë prej 400 eurosh për shërbimet që kishin marrë në lokal.

Më pas përplasja kishte agravuar me përdorimin e armëve, ku i vrarë mbeti 31-vjeçari Visart Cengu.

Hoxhaj ishte një figurë mjaft e njohur në mediat sociale, por edhe për drejtësinë pasi i akuzuar për 189 vepra penale.

Prej kohësh ai kishte hapur edhe llogarinë e tij në Tik-Tok, ku reklamonte jetën e tij të luksit.

Shpesh ai është ftuar edhe në intervista televizive ku mënyra se si strukturoheshin pyetjet, nuk nxirrnin në pah asgjë tjetër veçse jetën e tij të rrethuar nga luksi dhe krimi. 

Sot i arrestuar për vrasje, dhe me 189 vepra penale "mbi

Çfarë deklaronte dikur Dibran Hoxhaj në intervistat televizive?

Një vit më parë në një prononcim për “Prive” nga banesa e tij ai tregoi se si e kishte marrë pseudonimin “Kobra”.

“Nofka Kobra, buron si familje, punojmë në Europë, e ka pas firmën baba dhe xhaxhallarët e mi Kobra dhe ashtu na kanë quajtur, mua dhe vëllezërit e mi, të gjithë si familje. Pastaj nga problemet që kanë ndodhur rreth lokalit dhe gjërave të tjera më ka mbetur emri kobra. Jam unë por i kam edhe vëllzërit e tjerë që janë si mua, nuk jam vetëm. Jemi shumë”.

Ndërkohë ai vetë ka pranuar se është dënuar disa herë, për krime të ndryshme, pa harruar të tregojë edhe një herë se "nuk toleron askënd".

“Shumica e kohës na ka shkuar nëpër burgje. Ndoshta dikujt i duket jetë lukjsoze, por është e vështirë me jetu, sepse gjithmonë duhet të jenë i përgatur, pasi ka prapavija na armiqtë.”.

“Nuk e shih ndonjë ndryshim që më ka bërë burgu. E kanë edhe me dëshmi secili prej qytetarëve. Ka pasur raste që sapo kam dalë nga burgu kam shkuar prapë, pasi nuk pranoj të më ngacmojë askush”.

Jeta luksoze e dikujt që e deklaron vetë aktivitetin e tij, pse duhet të bëjë jehonë në media?

Çfarë fshihet pas këtyre intervistave? Pagesa për reklamë? Apo vërtet është vlerë e shtuar të promovosh personazhe të tillë vetëm sepse kanë lekë?

Shënim: Në Shqiptarinë tonë të vogël, mediat kanë ndikim të jashtëzakonshëm, e çdo ditë e më shumë shihen personazhe që nuk përcjellin vlera në ekran, por promovimi i njerëzve që janë pasuruar nga krimi, mbetet një model edhe më ngeativ për të rinjtë shqiptarë./CNA.al





Lajmet e fundit nga