web counter
LEXO PA REKLAMA!

SHKARKO APP

App Store
Google Play

E fundit!

x

Shtyhet seanca për dosjen "Gërdeci"/ Mediu: Absurde që ministri hetohet për çështje të karakterit ushtarak

18 Dhjetor 2024, 10:49, Kronika CNA

Shtyhet seanca për dosjen "Gërdeci"/ Mediu: Absurde që

Seanca për ish-ministrin Fatmir Mediu është shtyrë për në datën 27 dhjetor në lidhje me dosjen “Gërdeci”.

Gjyqtarët u kanë lënë kohë avokatëve mbrojtës që të përgatisin pyetjet për ekspertët ushtarakë, të cilët kanë përcaktuar edhe shkakun e shpërthimit të demontimit të armëve në Gërdec.

Pas seancës, Mediu deklaroi se është absurde që një minstër të hetohet për çështje të karakterit ushtarak.

Ai tha se ekspertët nuk ishin prezentë, ndaj do të dërgojnë pyetjet me shkrim për të marrë më pas përgjigjet.

“Është një situatë kaq absurde sa është tërësisht e papranueshme që ministri të gjykohet se ca janë kalibrat apo elementë të tjerë që nuk kanë të bëjnë me detyrën e tij. Këto çështje janë të karakterit ushtarak. Ne jemi vend anëtar i NATO-s dhe janë të ndara përgjegjësitë civile dhe ushtarake. Jemi në një realitet që është absurd.

Fakti për debatin e sotëm ishte sepse dy nga ekspertët nuk ishin prezentë dhe do kishim dy procese paralele, duhet t'u çonim atyre pyetjet me shkrim për të marrë përgjigjet dhe pjesa tjetër do përgjigjej me gojë. Pra, për të pasur një proces korrekt u la që t'i përcillen pyetjet me shkrim. Edhe pse ne kërkuam që debati të bëhej drejtpërdrejt, sepse ata janë ekspertë dhe kanë dijeni mbi atë se çfarë kanë shkruar. Por në këto rrethana u gjykua që ishte korrekte për të pasur një përgjigje nga të gjithë ekspertët sesa të kemi dy procese paralele”, tha Mediu.

 





Lajmet e fundit nga