web counter
LEXO PA REKLAMA!

SHKARKO APP

App Store
Google Play

Shisnin kanabis dhe kokainë/ Tre persona të arrestuar

21 Nëntor 2025, 11:23, Kronika CNA

Shisnin kanabis dhe kokainë/ Tre persona të arrestuar

Policia ka goditur dy raste të shitjes së lëndëve narkotike në Vlorë dhe Sarandë.

Si rezultat janë vënë në pranga 3 shtetas që shisnin kanabis dhe kokainë.

Gjatë kontrolleve të ushtruara u gjetën dhe sekuestruan doza me lëndë narkotike të dyshuar kanabis dhe doza kokaine.

 

Njoftimi i policisë

 

DVP Vlorë

Goditen 2 raste të shitjes së lëndëve narkotike, në Vlorë dhe Sarandë.

Vihen në pranga 3 shtetas që shisnin lëndë narkotike kokainë dhe kanabis.

Në vijim të punës për evidentimin dhe goditjen e rasteve të shitjes së lëndëve narkotike, shërbimet e Seksionit për Hetimin e Narkotikëve në DVP Vlorë kanë evidentuar dhe goditur dy raste të njëpasnjëshme, si rezultat i të cilave u arrestuan 3 shtetas të përfshirë në këtë veprimtari të paligjshme.

Në lagjen nr.1, Sarandë, shërbimet e Policisë kapën në flagrancë shtetasin E. M., 41 vjeç, në banesën e shtetasit V. Ll., 46 vjeç, duke përgatitur doza me lëndë narkotike kanabis. Gjatë kontrollit u sekuestruan 12 doza me lëndë narkotike të dyshuar kanabis, gati për shitje.

Në lagjen “Kushtrimi”, Vlorë, gjatë kontrollit fizik ndaj shtetasit J. Gj., 21 vjeç, shërbimet e Policisë sekuestruan në cilësinë e provës materiale 2 doza të dyshuara lëndë narkotike kokainë, gati për shitje.

Në vijim të veprimeve procedurale, në të dyja rastet u bë arrestimi në flagrancë i të tre shtetasve të sipërpërmendur.

Materialet procedurale iu referuan Prokurorive përkatëse, për veprime të mëtejshme.





Lajmet e fundit nga