Shfrytëzonin një shtetase për prostitucion/ Arrestohen dy kinezë në Vlorë, një tjetër në kërkim

23 Dhjetor 2025, 15:43, Kronika CNA

Shfrytëzonin një shtetase për prostitucion/ Arrestohen dy

Dy persona janë arrestuar në Vlorë dhe një tjetër është shpallur në kërkim, pas finalizimit të një operacioni për goditjen e trafikimit të femrave, me qëllim shfrytëzimin për prostitucion.

Në pranga janë vënë dy shtetas kinezë të cilët në një apartament të marrë me qira në lagjen “Pavarësia”, shfrytëzonin për prostitucion një bashkëatdhetaren e tyre.

Policia po punon për kapjen e shtetases kineze të shpallur në kërkim.

Njoftimi i policisë:

DVP Vlorë

Finalizohet operacioni i koduar “Victim”, për goditjen e veprimtarisë kriminale të trafikimit të femrave, me qëllim shfrytëzimin për prostitucion.

Zbulohet në lagjen “Pavarësia”, një apartament i marrë me qira, ku shfrytëzohej për prostitucion, një shtetase kineze.

Identifikohen 3 shtetas kinezë, bashkëpunëtorë për këtë veprimtari kriminale. Vihen në pranga 2 prej tyre, tjetri shpallet në kërkim.

Procedohen penalisht shtetasja kineze që ushtronte prostitucion dhe një shtetas tjetër.

Si rezultat i hetimeve të kryera me metoda proaktive, nga nga Seksioni për Hetimin e Trafiqeve, në drejtimin e Prokurorisë pranë Gjykatës së Shkallës së Parë të Juridiksionit të Përgjithshëm Vlorë, u finalizua operacioni i koduar “Victim”, që goditi një rast të shfrytëzimit për prostitucion.

Nga hetimet u identifikuan 3 autorët e dyshuar të kësaj veprimtarie kriminale.

2 prej tyre, shtetasja X. L., 40 vjeçe, banuese në Kinë dhe shtetasi B. W., 31 vjeç, banues në Kinë, u vunë në pranga, ndërsa bashkëpunëtorja, shtetasja K. X., 50 vjeçe, u shpall në kërkim.

Këta shtetas, në bashkëpunim me njëri-tjetrin, dyshohet se shfrytëzonin për prostitucion shtetasen kineze J. G., 52 vjeçe, në një apartament në lagjen “Pavarësia”, të cilin e kishin marrë më qira, për këtë qëllim.

Shtetasja kineze J. G. dhe shtetasi E. B., i cili u konstatua në apartament, u proceduan penalisht për veprën penale “Prostitucioni”.

Punohet për kapjen e shtetases kineze të shpallur në kërkim dhe për dokumentimin e kësaj të veprimtarie kriminale.

Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Vlorë, për veprime të mëtejshme. /CNA