web counter
LEXO PA REKLAMA!

SHKARKO APP

App Store
Google Play

E fundit!

x

Sekuestrohen armë zjarri dhe drogë/ Në pranga babai dhe djali

26 Janar 2025, 12:03, Kronika CNA

Sekuestrohen armë zjarri dhe drogë/ Në pranga babai dhe djali

Policia e Tiranës ka mbyllur me sukses operacionin e koduar “Midnight”, në kuadër të goditjes së rasteve të jashtëligjshme në fushën e armëmbajtjes dhe shpërndarjes së drogërave të forta. Nga ky operacion është sekuestruar një armë zjarri pistoletë, municione luftarake si dhe lëndë narkotike, kokainë. Në pranga përfundoi një 37-vjeçar me inicialet R. Z., si dhe babai i tij 65-vjeçar me inicialet B. Z.

Njoftimi i Policisë:

Finalizohet operacioni policor i koduar “Midnight”, në kuadër të goditjes së paligjshme në fushën e armëmbajtjes pa leje dhe shpërndarjes së drogave të forta.

Sekuestrohet një armë zjarri pistoletë, municion luftarak dhe një sasi lëndë narkotike e dyshuar kokainë, e ndarë në doza, gati për shitje.

Vihet në pranga një 37 vjeçar dhe babai i tij pasi tentoi të fshehë lëndën narkotike dhe armën e zjarrit.

Shërbimet e Komisariatit të Policisë Nr. 4, në zbatim të planit të masave për kapjen e shtetasve në kërkim dhe të atyre që qarkullojnë me sende të kundërligjshme, bazuar dhe në informacionet e siguruara nga inteligjenca policore, kanë organizuar dhe finalizuar operacionin policor të koduar “Midnight”.

Si rezultat i të cilit u bë kapja dhe arrestimi në flagrancë i shtetasve:

R. Z., 37 vjeç, për veprat penale “Armëmbajtja pa leje” dhe “Prodhimi dhe shitja e narkotikëve” dhe B. Z., 65 vjeç, (babai i shtetasit R.Z), për veprën penale ”Veprime që pengojnë zbulimin e së vërtetës”, të dy banues në Tiranë.

Në rrugën “Niko Avramo”, shërbimet e Policisë kanë ndaluar për kontroll automjetin me drejtues shtetasin R. Z., në të cilin kanë gjetur dhe sekuestruar një sasi lëndë narkotike të dyshuar kokainë.

Në vijim të veprimeve gjatë kontrollit në banesën e këtij shtetasi, shërbimet e Policisë gjetën dhe sekuestruan 1 armë zjarri pistoletë, municion luftarak dhe një sasi të dyshuar lëndë narkotike kokainë, e ndarë në doza, gati për shitje, me peshë totale rreth 36 gramë.

Ndërsa babai i 37-vjeçarit, shtetasi B. Z., sapo ka parë shërbimet e Policisë, ka tentuar të hedh lëndën narkotike në lavaman dhe të hedhë nga ballkoni armën e zjarrit.

Materialet i kaluan Prokurorisë, për veprime të mëtejshme procedurale. /CNA





Lajmet e fundit nga