web counter
LEXO PA REKLAMA!

SHKARKO APP

App Store
Google Play

Qëlloi me kallashnikov në ajër/ Policia arreston 27-vjeçarin në Vlorë

15 Qershor 2024, 09:30, Kronika CNA
Qëlloi me kallashnikov në ajër/ Policia arreston
Arma e sekuestruar, Policia e Shtetit

Një 27-vjeçar me iniciale A.S është vënë në pranga sot nga policia në Vlorë, pasi u kap në flagrancë duke qëlluar në ajër me armë zjarri. 

Policia ka sekuestruar armën e zjarrit kallashnikov me krehër me municion luftarak dhe një mjet prerës biçak. 

Njoftimi i Policisë:

Në zbatim të masave të megaoperacionit “Sundimi i ligjit”, u finalizua operacioni i koduar "Strike 14 ", për goditjen e një rasti në fushën e mbajtjes pa leje të armëve.

Lëvizte me armë zjarri, vihet në pranga 27-vjeçari. Ky shtetas u kap në flagrancë pasi kishte qëlluar në ajër, me armën e zjarrit. Sekuestrohen arma e zjarrit kallashnikov me krehër me municion luftarak dhe një mjet prerës biçak, që iu gjetën 27-vjeçarit, gjatë kontrollit fizik.  

Në zbatim të masave të megaoperacionit “Sundimi i ligjit”, Seksioni për Hetimin e Narkotikëve, në bashkëpunim me Komisariatin e Policisë Vlorë, bazuar në informacionet e siguruara në rrugë operative se një shtetas lëvizte i armatosur, finalizoi operacionin e koduar "Strike 14 ", për kapjen e tij.

Si rezultat, u arrestua shtetasi A.S, 27 vjeç, banues në Vlorë. Ky shtetas është kapur në flagrancë nga shërbimet e Policisë, pasi kshte qëlluar me armë zjarri në vendin e quajtur “Kuzum Baba”, në lagjen “Partizani”, duke rrezikuar banorët e zonës. 

Gjatë kontrollit fizik, shtetasit A.S i është gjetur 1 armë zjarri kallashnikov me krehër me municion luftarak dhe 1 mjet prerës biçak, të cilat u sekuestruan në cilësinë e provës materiale.   

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Vlorë./CNA 





Lajmet e fundit nga