web counter
LEXO PA REKLAMA!

SHKARKO APP

App Store
Google Play

E fundit!

x

Qëlloi me armë drejt makinës/ 83-vjeçari, presion policëve: Do t'ju vras me kallashnikov!

9 Janar 2024, 09:57, Kronika CNA
Qëlloi me armë drejt makinës/ 83-vjeçari, presion
Foto nga momenti i arrestimit

Policia ka dalë me një njoftim zyrtar për të shtënat me armë drejt një mjeti të parkuar në Shkodër.

Gjatë të shtënave, ai ka rrezikuar jetën e kalimtarëve, por fatmirësisht plumbat nuk kanë prekur njeri.

Autori është identifikuar si 83-vjeçari me iniciale F. H. Pas të shtënave, blutë janë organizuar për vënien e tij në pranga.

83-vjeçari kërcënoi punonjësit e Policisë se do t’i vriste me armë zjarri kallashnikov.

Me ndërhyrjen e specializuar të Forcave Kombëtare të Sigurisë Shkodër, u bë i mundur neutralizimi dhe vënia në pranga e 83-vjeçarit.

Në banesën e të arrestuarit, Policia sekuestroi 1 armë zjarri kallashnikov, 1 armë gjahu dhe municion luftarak.

“Shërbimet e Drejtorisë Vendore të Policisë Shkodër kanë konstatuar në mesnatë, se një shtetas po qëllonte me armë gjahu, nga ballkoni i banesës së tij në një pallat në lagjen “Partizani”, në drejtim të automjeteve të parkuara.

Menjëherë u organizua puna, u bë rrethimi i zonës për të mos kaluar automjete dhe kembësorë, si dhe iu bë thirrje autorit, të mos qëllonte dhe të dorëzohej.

Autori nuk iu është bindur thirrjeve të Policisë, por është futur në banesë, ka mbyllur derën dhe ka kërcënuar për vrasje, punonjësit e Policisë, në rast se do të futeshin në banesë.

Ndodhur në keto kushte, në ndihmë të Policisë vendore, kanë shkuar Forcat Kombëtare të Sigurisë.

Pas ndërhyrjes së specializuar kanë bërë të mundur neutralizimin dhe vënien në pranga të shtetasit F. H., 83 vjeç, banues në Shkodër.

Në vijim të veprimeve, shërbimet e Policisë sekuestruan 1 armë zjarri kallashnikov, 1 armë gjahu dhe municion luftarak.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme”, thuhet në njoftimin e policisë./ CNA





Lajmet e fundit nga