web counter
LEXO PA REKLAMA!

SHKARKO APP

App Store
Google Play

Plagosje me armë zjarri në Kombinat/ Vihet në pranga autori

27 Shtator 2025, 16:30, Kronika CNA

Plagosje me armë zjarri në Kombinat/ Vihet në pranga autori

Një plagosje me armë zjarri ka ndodhur në zonën e Kombinatit.

Një person ka qëlluar me armë zjarri burrin e motrës. Mësohet se të dy të përfshirët në ngjarje kanë qenë në gjendje të dehur, teksa autori është arrestuar nga policia.

Policia njofton se gjithashtu është shpallur në këkrim një 29-vjeçari, i dyshuar si i implikuar në ngjarje.

Arma e zjarrit është sekuestruar në cilësinë e provës materiale.

 

Njoftimi i policisë

 

Plagosi me armë zjarri kunatin e tij, dyshohet për motive të dobëta, falë reagimit të menjëhershëm dhe ndërhyrjes profesionale të shërbimeve të Policisë, u bë e mundur kapja dhe shoqërimi në Polici i autorit të dyshuar të ngjarjes.

Shpallet në kërkim edhe një 29-vjeçar, i dyshuar i implikuar në ngjarje.

Sekuestrohet arma e zjarrit me të cilën autori kreu plagosjen.

Rreth orës 15:40, në banesën e të dëmtuarit në rrugën “Llambi Bonata”, dyshohet se gjatë një konflikti për motive të dobëta, shtetasi M. T., rreth 41 vjeç, ka plagosur me armë zjarri kunatin e tij, shtetasin G. M., rreth 56 vjeç, i cili ndodhet në spital, aktualisht jashtë rrezikut për jetën.

Pas njoftimit, shërbimet e Komisariatit të Policisë Nr. 6 kanë mbërritur menjëherë në vendngjarje, kanë siguruar zonën dhe kanë ndërhyrë për të kapur autorin. Falë veprimeve të shpejta dhe ndërhyrjes në kohë, shtetasi M. T. u shoqërua në Komisariat për veprime të mëtejshme hetimore.

Në vijim të veprimeve punohet për kapjen e shtetasit N. S., 29 vjeç, i cili dyshohet se në momentin e ngjarjes ka qenë prezent në banesë dhe më pas është larguar.





Lajmet e fundit nga