web counter
LEXO PA REKLAMA!

SHKARKO APP

App Store
Google Play

Përfituan 17 mijë euro nga 1 klient/ Në pranga administratori i një agjencie turistike, procedohet e shoqja

25 Shtator 2025, 13:31, Kronika CNA

Përfituan 17 mijë euro nga 1 klient/ Në pranga administratori i

Vihet në pranga administratori i një agjencie turistike dhe procedohet penalisht punonjësja e agjencisë (bashkëshortja e tij).

Këta shtetas dyshohet se duke mashtruar klientët e agjencisë, kanë përfituar rreth 17 000 euro.     

Njoftimi i Policisë:

Specialistët e Sektorit për Hetimin e Krimeve Ekonomike dhe Financiare të DVP Tiranë, pas administrimit të kallëzimeve të disa qytetarëve, për mashtrim nga një agjenci udhëtimi, kanë kryer disa javë hetime në drejtimin e Prokurorisë dhe kanë finalizuar operacionin policor të koduar “Rezervimi”.      

Si rezultat i operacionit:

-u ndalua shtetasi A. Gj., 63 vjeç, administrator i agjencisë turistike;  

-nisi procedimi penal për shtetasen E. Gj., 51 vjeçe (bashkëshortja e shtetasit A. Gj.), punonjëse e agjencisë.      

Nga hetimet dyshohet se këta shtetas kanë përfituar rreth 17 000 euro, duke mashtruar klientët e agjencisë, të cilëve iu kanë marrë shuma parash për rezervimin e biletave të udhëtimit dhe të akomodimit, por nuk i kanë bërë rezervimet. 

Materialet procedurale i kaluan Prokurorisë, për veprat penale “Mashtrimi” dhe “Fshehja e të ardhurave”./CNA  





Lajmet e fundit nga