web counter
LEXO PA REKLAMA!

SHKARKO APP

App Store
Google Play

E fundit!

x

Ngjarja në uzinën e Gramshit/ Rusia kërkon zyrtarisht ekstradimin e spiunes ruse

12 Janar 2023, 14:44, Kronika CNA

Ngjarja në uzinën e Gramshit/ Rusia kërkon zyrtarisht ekstradimin

Rusia ka kërkuar zyrtarisht ekstradimin e ruses Svetlana Timofeva, e arrestuar në vendin tonë pas sulmit të ndodhur në uzinën e armëve në Gramsh.

Prokuroria pranë Gjykatës së Shkallës së Parë Elbasan ka marrë nëpërmjet Ministrisë së Drejtësisë, kërkesën zyrtare të autoriteteve gjyqësore të Federatës Ruse për ekstradimin e saj.

Timofeva është person i shpallur në kërkim në Rusi për veprën penale të “Marrje e paligjshme e informacionit që përbën sekret shtetëror”, parashikuar nga pika “a”, paragrafi 2 të nenit 283 të Kodit Penal Rus.

Vetë shtetasja ruse, nuk e ka dhënë pëlqimin e saj për ekstradimin në Rusi.

Timofeva mbahet në burg që nga data 20 gusht e këtij viti.

Dy rusët, Svetlatana Timofoeva, Mikhail Zorin dhe ukrahinasi Fiodor Mihailoviç u arrestuan në datë 20 gusht kur ndodhi edhe incidenti në uzinë, raporton "Euronews Albania".

Tre personat po fotografonin ambientet e uzinës, ndërsa përpiqeshin të hynin brenda saj, u pikasën nga ushtarët shqiptarë që u kërkuan që të ndalonin.

Mikhail Zorin sulmoi ushtarin duke e spërkatur me një spraj të dyshuar kimik. 3 personat u arrestuan dhe ndërkohë u sekuestrua makina me të cilën lëviznin.

Tashmë mbi ta rëndon zyrtarisht akuza e “Dhënia e informatave sekrete”, dhe “Sigurimi i informatave”. Gjykata ka vendosur ndaj tyre masën e sigurisë “arrest me burg”./CNA.al





Lajmet e fundit nga