web counter
LEXO PA REKLAMA!

SHKARKO APP

App Store
Google Play

E fundit!

x

Në kërkim për kultivimin e 2 mijë rrënjëve kanabis/ Arrestohet 38-vjeçari

3 Shtator 2025, 10:49, Kronika CNA

Në kërkim për kultivimin e 2 mijë rrënjëve

Policia e Shkodrës ka vënë në pranga një 38-vjeçar i dyshuar si bashkëpunëtor në një rast kultivimi të lëndëve narkotike në fshatin Musket të Malësisë së Madhe.

Shtetasi V. M. dyshohet se në bashkëpunim me disa shtetas të tjerë, në muajin gusht 2021, ka kultivuar 2000 bimë narkotike në territorin e fshatit Mukset, njësia administrative Shkrel. 

38-vjeçari ishte shpallur në kërkim pasi Gjykata e Shkodrës i ka caktuar masën “arrest në burg” për veprën “Kultivimi i bimëve narkotike”, kryer në bashkëpunim.

Njoftimi i Policisë:

"I dyshuar si bashkëpunëtor për kultivimin e 2000 bimëve narkotike, në fshatin Mukset, kapet dhe vihet në pranga 38-vjeçari. 

Si rezultat i kontrolleve të vazhdueshme për lokalizimin dhe kapjen e shtetasve në kërkim, bazuar dhe në informacionet e siguruara në rrugë operative, specialistët për Hetimin e Krimeve të Komisariatit të Policisë Malësi e Madhe kanë lokalizuar, kapur dhe ndaluar shtetasin: 

V. M., 38 vjeç, banues në fshatin Vukpalaj.

Ky shtetas ishte shpallur në kërkim pasi Gjykata e Shkallës së Parë e Juridiksionit të Përgjithshëm Shkodër i ka caktuar masën e sigurisë “Arrest në burg”, për veprën penale “Kultivimi i bimëve narkotike”, kryer në bashkëpunim. 

Shtetasi V. M. dyshohet se në bashkëpunim me disa shtetas të tjerë, në muajin gusht 2021, ka kultivuar 2000 bimë narkotike në territorin e fshatit Mukset, njësia administrative Shkrel"./CNA

 

 





Lajmet e fundit nga