web counter
LEXO PA REKLAMA!

SHKARKO APP

App Store
Google Play

E fundit!

x

Ndalohet efektivi i Operacionales/ I përfshirë në tregtimin e kokainës

23 Mars 2024, 12:46, Kronika CNA
Ndalohet efektivi i Operacionales/ I përfshirë në tregtimin e
Foto ilustruese

Agjencia e Mbikëqyrjes Policore ka njoftuar se është ndaluar efektivi i policisë E. SH., 38 vjeç, pasi akuzohet për shitje droge. 

Nga hetimet ka rezultuar se inspektori E. SH. ka lidhje të ngushtë shoqërore me njërin prej personave të arrestuar dy ditë më parë në Tiranë. Mësohet se polici ka qenë pjesë aktive e sigurimit të kushteve për tregtimin e një kilogrami kokainë.

Njoftimi i AMP-së:

Agjencia e Mbikëqyrjes Policore (Rajoni Tiranë) ka ndaluar punonjësin e policisë Inspektor E. SH., 38 vjeç, efektiv në Drejtorinë e Forcës së Posaçme Operacionale pranë Drejtorisë së Përgjithshme të Policisë së Shtetit, i dyshuar për veprën penale “Prodhimi e shitja e lëndëve narkotike”, e kryer në bashkëpunim.

Ndalimi i këtij punonjësi policie u krye në vijim të hetimeve me metoda speciale, në funksion të ngjarjes së datës 21.03.2024, ku u arrestuan në flagrancë tre shtetas, të dyshuar për kryerjen e veprave penale “Prodhim dhe shitje të lëndëve narkotike”, “Kundërshtim i punonjësit të policisë” dhe “Mosbindja ndaj punonjësve të policisë".

Si rezultat i hetimeve intensive u bë e mundur sigurimi i provave dhe i fakteve mbi dyshimet se punonjësi i policisë, Inspektor E. SH., me lidhje të ngushtë shoqërore me njërin prej personave të arrestuar, ka qenë pjesë aktive e sigurimit të kushteve për tregtimin e lëndës narkotike prej 1 Kg e dyshuar kokainë, si dhe ka patur dijeni të plotë për personat dhe vendin ku do ndodhte shkëmbimi i lëndës narkotike.

Agjencia e Mbikëqyrjes Policore mbetet e përkushtuar në përmbushje të misionit të saj për zbardhjen e plotë të rrethanave të kësaj ngjarje./CNA 





Lajmet e fundit nga