web counter
LEXO PA REKLAMA!

SHKARKO APP

App Store
Google Play

Merrte makina me qira dhe nuk i kthente më/ Arrestohet 26-vjeçari

22 Tetor 2024, 09:42, Kronika CNA

Merrte makina me qira dhe nuk i kthente më/ Arrestohet 26-vjeçari

Arrestohet një 26-vjeçar në Elbasan pasi mori disa herë makina me qira nëpërmjet mashtrimit.

Ky shtetas merrte makina me qira pasi bënte gjysmën e pagesës dhe nuk i kthente më.

Njoftimi i Policisë: 

Ishte shpallur në kërkim pasi kishte marrë me qira 2 automjete, me anë të mashtrimit, kapet dhe vihet në pranga 26-vjeçari.

Gjenden dhe sekuestrohen 2 automjetet.

Specialistët për Hetimin e Krimeve të Komisariatit të Policisë Elbasan, në vijim të punës për goditjen e veprimtarive kriminale në çdo formë të shfaqjes së tyre dhe për kapjen e shtetasve të shpallur në kërkim, bazuar në inteligjencën informative, kanë organizuar dhe finalizuar operacionin policor të koduar "Rental". Si rezultat i këtij operacioni, në bashkëpunim me shërbimet e Policisë Korçë, u bë e mundur kapja në Korçë dhe ndalimi i shtetasit:

H. K., 26 vjeç, banues në fshatin Bilisht.

Ky shtetas ishte shpallur në kërkim për veprën penale “Mashtrimi”, pasi:

-më datë 27.09.2024, në qytetin e Elbasanit, në subjektin për dhënien e automjeteve me qira, në pronësi të shtetasit A. K., ka marrë me qira një automjet duke bërë vetëm një pjesë të pagesës, por më pas nuk e ka kthyer automjetin siç parashikohej në marrëveshjen me shtetasin A. K.;

-më datë 01.10.2024, në qytetin e Elbasanit, në subjektin për dhënien e automjeteve me qira, në pronësi të shtetasit E. M., ka marrë me qira një automjet duke bërë vetëm një pjesë të pagesës, por më pas nuk e ka kthyer automjetin siç parashikohej në marrëveshjen me shtetasin E. M..

2 automjetet që kishte marrë 26-vjeçari në këto 2 subjekte janë gjetur dhe janë sekuestruar nga Policia.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme./CNA





Lajmet e fundit nga