web counter
LEXO PA REKLAMA!

SHKARKO APP

App Store
Google Play

E fundit!

x

“Më zhveshi lakuriq dhe më gjuajti me shkop”/ 82-vjeçarja në Shkodër: Si më dhunoi nusja

12 Shtator 2024, 23:04, Kronika CNA

“Më zhveshi lakuriq dhe më gjuajti me shkop”/

82-vjeçarja, Nazmie Buci nga Shkodra ka rrëfyer se si është dhunuar nga nusja e saj.

“U kap nusja me mua. Më kapi shkopin se unë eci me shkop se jam me ishemi, edhe më goditi. Më lej gjaku. Kam shkuar në banjë, më ka hedhë 3 safa uji banje. Më ka zhvesh lakuriq edhe më ka dhënë një këmishë për të veshur. Unë nuk i thashë asgjë, çfarë t’i thosha. Edhe më përpara m’i ka shkulur flokët. Edhe korridorin, se e len të lagët pak, e kam fshi me shpinë, tërë ujin. Më ka ngritur për këmbësh edhe zvarrë”, ka thënë Nazmie Buçi.

Djali i 82-vjeçares, shtetasi Ylli Buci, 50 vjeç pasi erdhi nga puna as nuk e dërgoi në spital nënën e tij dhe as nuk lajmëroi policinë për të denoncuar rastin por kritikoi të ëmën duke i thënë se pse ke bërë fjalë me nusen.

“Djali ka qenë në punë, kur erdhi i dëftova. ‘Nënë pse u kape me të më tha?’ ‘Po nuk u kapa more’, i thashë. Djali s’ka qenë në shtëpi, edhe kur ka ardhur veç më ka pastruar fytyrën, nuk më ka çuar në spital.

Mora telefonin se doja të lajmëroja policinë, ma kapi nga dora, ma hodhi përtokë. Djali shkoi në punë në orën 06:00. Provova të dilja, më panë komshijet. ‘Uuu si je bo, po më dhimbesh kështu’, thanë. ‘Hajde s’ka gale, Allahu ia bëftë asaj’, thanë ato. Pastaj kanë lajmëruar Policinë, se di më tej. Më trokiti Policia te porta, më pyetën kush të ka dhunuar thanë. Më ka dhunuar nusja i thashë. Dua t’i bëj padi nuses”, tha më tej Nazmie Buçi.

82-vjeçarja bën edhe një apel për të gjitha gratë shqiptare.

“Unë 82-vjeçe të më bëjë kështu. Nuset duhet të jenë më të sjellshme, t’i trajtojnë vjehrrat si nënat e tyre”, përfundoi e moshuara./ CNA





Lajmet e fundit nga