E fundit!

11:21 Aktualitet

Moti i keq mbërthen vendin/ Si paraqitet situata në Sarandë, Durrës dhe Fier

Mbrëmjen e djeshme, disa zona të vendit u përfshinë nga mo...

Të shpallur në kërkim për dhunën ndaj një personi/ Vetëdorëzohen dy autorët

22 Janar 2025, 14:08, Kronika CNA

Të shpallur në kërkim për dhunën ndaj një personi/

Samuel Troshani dhe Izmir Sakica, të shpallur në kërkim për dhunimin e Vladimir Bruçit në mes të qytetit të Shkodrës 6 muaj më parë u vetëdorëzuan sot në polici.

Dy të rinjtë ishin shpallur në kërkim policor edhe lidhur dhe me masakrën me 4 të vrarë në Dobraç të ndodhur më 30 tetor 2024.

Për këtë atentat ata ishin shpallur në kërkim jo me vendim gjykate por si persona që mund të kishin dijeni për ngjarjen dhe do të merreshin në pyetje, çështje e cila aktualisht i ka kaluar SPAK-ut.

Samuel Troshani, 27-vjeç dhe Izmir Sakica, 23-vjeç u vetëdorëzuan mesditën e sotme në policinë e Shkodrës shoqëruar nga avokati Sokol Tahiraj.

Më 4 qershor 2024, pesë persona dhunuan me sende të forta 62 vjeçarin, Vladimir Bruçi, në mes të ditës në qytetin e Shkodrës.

Të dy të rinjtë Sakica e Troshani ishin shpallur në kërkim dhe për një tjetër ngjarje të ndodhur më herët më 23 gusht 2024 në Bushat të Shkodrës, ku dyshohet se ka pasur shkëmbim zjarri.

Ende nuk ka një njoftim zyrtar nga uniformat blu në Shkodër për vetdorëzimin dhe akuzat që rëndojnë ndaj Troshanit dhe Sakicës./ CNA

Njoftimi i Policisë:

Specialistët e Sektorit për Hetimin e Krimeve të Rënda ekzekutuan masën e sigurisë “Arrest në burg”, për shtetasit S. T., 25 vjeç dhe I. S., 24 vjeç, caktuar nga Gjykata e Shkallës së Parë e Juridiksionit të Përgjithshëm Shkodër, për veprat penale “Plagosja e lehtë me dashje”, kryer në bashkëpunim, “Kanosja”, kryer në bashkëpunim dhe “Mbajtja pa leje e armëve, armëve shpërthyese dhe e municionit”.

Nga veprimet hetimore dyshohet se këta shtetas janë përfshirë në konfliktin e ndodhur për vendparkimin e automjeteve, më datë 03.06.2024, në rrugën “Pogej”, gjatë të cilit u godit fizikisht dhe me sende të forta, shtetasi V. B.

Shtetasit S. T. dhe I. S. janë vetëdorëzuar mesditën e sotme, në ambientet e Drejtorisë Vendore të Policisë Shkodër.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme.