web counter
LEXO PA REKLAMA!

SHKARKO APP

App Store
Google Play

Kapet pogradecari me arsenal armësh/ Çfarë i gjeti policia?

14 Korrik 2023, 15:51, Kronika CNA

Kapet pogradecari me arsenal armësh/ Çfarë i gjeti policia?

Policia ka arrestuar shtetasin me inicialet A. J., 40 vjeç, pasi posedonte një arsenal të pasur ushtarak.

Përmes një njoftimi zyrtar, blutë deklarojnë se nga kontrollet në një stallë bagëtish janë sekuestruar një mitraloz i lehtë; një armë zjarri tip automatik; dy pushkë gjysmautomatike; një sasi e konsiderueshme municioni luftarak; krëhëra të armëve të zjarrit; 1 gjerdan mitralozi me 30 fishekë; një granatë dore ofensive dhe pjesë të lëvizshme të pushkës.

Këto armë, dyshohet se 40-vjeçari do t'i trafikonte në drejtim të Maqedonisë së Veriut. I arrestuari rezulton person me precedentë penalë.

“Vihet në pranga një 40-vjeçar, me precedent të mëparshëm penal në fushën e prodhimit dhe shitjes së narkotikëve, që posedonte arsenalin e armëve dhe municionit luftarak.

Sekuestrohen një mitraloz i lehtë; një armë zjarri tip automatik; dy pushkë gjysmëautomatike; një sasi e konsiderueshme municioni luftarak; krëhëra të armëve të zjarrit; 1 gjerdan mitralozi me 30 fishekë; një granatë dore ofensive dhe pjesë të lëvizshme të pushkës, të cilat dyshohet se ky shtetas do t'i trafikonte në drejtim të Maqedonisë së Veriut.

Specialistët për Hetimin e Krimeve të Komisariatit të Policisë Pogradec, nën drejtimin e Prokurorisë pranë Gjykatës së Shkallës së Parë të Juridiksionit të Përgjithshëm Korçë, në vijim të kontrollit të territorit dhe punës për parandalimin, evidentimin dhe goditjen e veprimtarisë së paligjshme të armëmbajtjes pa leje, pas hetimeve disajavore, finalizuan me sukses operacionin e koduar 'Starova'. Si rezultat i këtij operacioni, u arrestua në flagrancë i shtetasi:

- A. J., 40 vjeç, banues në fshatin Starovë, Pogradec, i dënuar më parë për veprën penale 'Prodhimi dhe shitja e narkotikëve'", njofton policia./ CNA.al





Lajmet e fundit nga