web counter
LEXO PA REKLAMA!

SHKARKO APP

App Store
Google Play

I akuzuar për prodhim dhe shitje të narkotikëve/ Ekstradohet nga Italia në Shqipëri, 31-vjeçari

16 Nëntor 2025, 12:18, Kronika CNA

I akuzuar për prodhim dhe shitje të narkotikëve/ Ekstradohet nga

Interpoli ka ekstraduar nga Italia në Shqipëri shtetasin Klajdi Murrizi 31-vjeç.

Murrizi ishte i shpallur në kërkim ndërkombëtar për veprat penale Prodhim dhe shitja e narkotikëve, mosbindja ndaj policisë, për të cilat u dënua me 6 vite burgim.

“Ekstradohet nga Italia, një shtetas i kërkuar për veprimtari kriminale në fushën e narkotikëve.

Si rezultat i bashkëpunimit të Interpol Tirana me Interpol Roma, u finalizua ekstradimi nga Italia në Shqipëri, i shtetasit shqiptar Klajdi Murrizi, 31 vjeç.

Ky shtetas ka qenë i shpallur në kërkim ndërkombëtar, pasi në vitin 2024, me vendim të formës së prerë, Gjykata e Apelit të Juridiksionit të Përgjithshëm Tiranë ka vendosur deklarimin fajtor për kryerjen e veprave penale “Prodhimi dhe shitja e narkotikëve, e kryer në bashkëpunim” dhe “Mosbindja ndaj urdhrit të punonjësit të Policisë së Rendit Publik”, duke e dënuar me 6 vite burgim.

Në vitin 2022, Klajdi Murrizi, në momentin që do t’i dorëzonte një sasi lënde narkotike një shtetasi tjetër, është diktuar nga shërbimet e Policisë.

Ai ka hedhur lëndën narkotike dhe është larguar me shpejtësi me një automjet me targa të huaja, duke mos iu bindur për të ndaluar punonjësve të Policisë në një pikë kontrolli tjetër të ngritur për kapjen e tij, në afërsi të Divjakës.

Shtetasi i ekstraduar nga Italia iu dorëzua Drejtorisë së Përgjithshme të Burgjeve”, njofton policia./ CNA





Lajmet e fundit nga