web counter
LEXO PA REKLAMA!

SHKARKO APP

App Store
Google Play

E fundit!

x

Historia e shqiptarit në Volos/ Vijon saga e kërcënimeve ndaj ish-gruas: Do të të vras!

6 Shtator 2022, 12:12, Kronika CNA
Historia e shqiptarit në Volos/ Vijon saga e kërcënimeve ndaj
Foto ilustruese

Edhe pse akuzohet për plagosje, për dhunë ndaj bashkëshortes, shqiptari nuk ndalet, edhe pse është në bankën e të akuzuarve. Ky është rasti i 34-vjeçarit shqiptar me inicialet T.L. Ai jeton në Volos dhe sërish raportohet se ka kërcënuar se do të vrasë ish-gruan e tij 26-vjeçare, me të cilën ka dhe një fëmijë 5 vjeç.

Prej kohësh 26-vjeçarja e kishte denoncuar ish-bashkëshortin e saj, e po ashtu ka treguar se vazhdimisht 34-vjeçari e ka kërcënuar me jetë, ku ekstremi ka arritur në momentin kur ai ka kërcënuar me kaçavidë gruan e tij në sy të fëmijës.

Në gjyqin që u mbajt për të burri u la i lirë, por ai nuk ka ndaluar me kërcënimet e tij kundrejt ish-gruas. Aktualisht 34-vjeçari është në bankën e të akuzuarve dhe mbi të rëndojnë 4 akuza. 

Dhuna verbale me kërcënime dhe sharje nga i akuzuari ndaj viktimës, si “do të vras, do të marr fëmijën”, kanë qenë disa nga akuzat ndaj tij. I pandehuri nuk ka ngurruar të ushtrojë dhunë fizike, duke e goditur me shqelma dhe duke kërcënuar 26-vjeçaren me inicialet K.P., për të penguar largimin e saj nga banesa e tyre.

Po ashtu shqiptari ka shkatërruar edhe motoçikletën e gruas, duke i thyer fenerët. Pak kohë më parë 26-vjeçarja ishte vendosur në një hotel për të qëndruar më e sigurtë. Para gjykatës ajo ka pohuar se ish-burri i saj nuk duhet besuar, pasi ai do të vazhdojë me kërcënimet aq kohë se nuk ndodhet prapa hekurave.

 “Mos e besoni, ai do ta bëjë përsëri, dijeni se së shpejti do raportoni për mua. Do të më vrasë!” ./CNA.al





Lajmet e fundit nga