web counter
LEXO PA REKLAMA!

SHKARKO APP

App Store
Google Play

Goditet shpërndarja e kokainës/ Arrestohen 4 persona, mes tyre një turk dhe një vajzë e mitur

21 Dhjetor 2024, 10:10, Kronika CNA

Goditet shpërndarja e kokainës/ Arrestohen 4 persona, mes tyre

Policia ka goditur një rast të shpërndarjes së kokainës në doza.

Aksioni u organizua pasi blutë morën informacione në rrugë operative  për disa shtetas nga Rrogozhina që udhëtonin në drejtim të Korçës për të cilët dyshohej se po transportonin lëndë narkotike.

Në hyrje të qytetit të Korçës është ndaluar automjetin e dyshuar tip Benz me targa të huaja që drejtohej nga shtetasi A.D , automjet i cili ishte i shpallur alert nga Interpol Roma.

Në automjet udhëtonin dhe tre shtetas të tjerë, një turk, një vajzë e mitur 17 vjeçe dhe një 34-vjeçar.

Gjatë kontrollit në automjet, shërbimet e Policisë gjetën dhe sekuestruan në cilësinë e provës materiale një sasi kokaine, një shumë të konsiderueshme parash  rreth 9000 euro.

Si dhe gjatë kontrollit  të kryer nga Policia e Kavajës, në banesat e këtyre shtetasve në Rrogozhinë policia gjeti në banesën e shtetasit turk një armë zjarri pistoletë.

Nga veprimet hetimore të kryera nga Specialistët  për Hetimin e Narkotikëve në DVP Korçë,  u bë arrestimi në flagrancë i shtetasve:

 A. D., 40 vjeç, banues në Rrogozhinë, për veprat  penale "Prodhimi dhe shitja e narkotikëve" e kryer në bashkëpunim dhe "Trafikimi i mjeteve motorike".

Shtetasit turk O. Ç., 44 vjeç, për veprat penale "Prodhim dhe shitja e narkotikëve" e kryer në bashkëpunim dhe "Prodhimi dhe mbajtja pa leje e armëve, armëve shpërthyese dhe municioneve".

E. Xh., 34 vjeç, banues në Rrogozhinë dhe një 17-vjeçare për veprën penale "Prodhimi dhe shitja e narkotikëve", e kryer në bashkëpunim.

Në vijim të verimeve procedurale është proceduar penalisht dhe një shtetas që dyshohet i implikuar në këtë veprimtari, konkretisht shtetasi G. K., 20 vjeç, banues në Rrogozhinë, për veprën penale "Prodhimi dhe shitja e narkotikëve" e kryer në bashkëpunim.

Nën drejtimin e Prokurorisë vijon puna për dokumentimin e plotë ligjor të këtij rasti.

Ndërkaq, materialet procedurale i kaluan Prokurorisë, për veprime të mëtejshme./ CNA





Lajmet e fundit nga