E fundit!

15:42 Aktualitet

Protestuesit para selive/ Balla: Kush qëndron pas tyre e ka gabim, mund të çojnë në vëlla-përplasje

Kreu i grupit të Partisë Socialiste Taulant Balla ka kriti...

Finalizohet operacioni “Cazino” në Korçë/ Vihen në pranga 10 persona

22 Mars 2025, 11:04, Kronika CNA

Finalizohet operacioni “Cazino” në Korçë/ Vihen

Është finalizuar në qytetin e korçës operacioni “Cazino” për goditjen e veprimtarisë së lojërave të fatit. Në kuadër të këtij operacioni u arrestuan 10 shtetas, tre prej të cilëve pronarë lokalesh në të cilët organizoheshin lojëra fati.

Ndërsa 7 personat e tjerë të arrestuar ishin klientë, të cilët u kapën në flagrancë duke luajtur lojërat e fatit. Janë sekuestruar një sasi parash, 9 monitorë kompjuterësh, aparate celularë dhe tableta.

"Finalizohet operacioni policor i koduar "Cazino"

Vihen në pranga 10 shtetas, (3 prej tyre pronarë lokalesh pasi u kapën në flagrancë në 3 lokale, duke organizuar lojëra fati, me kompjutera dhe me celularë dhe 7 të tjerë klientë duke luajtur lojëra fati). Sekuestrohen në cilësinë e provës materiale 9 monitorë kompjuterash, 13 aparate celularë, tableta, si dhe një sasi parash.

Specialistët e Sektorit të Krimit Ekonomik dhe Financiar në bashkëpunim me Specialistët për Hetimin Krimeve të Komisariatit të Policisë Korçë, me mbështetjen e Forcës së Posaçme "Shqiponja" në vijim të punës për evidentimin dhe goditjen e veprimtarisë së kundërligjshme në fushën e lojërave të fatit, kanë organizuar dhe zhvilluar operacionin policor të koduar “Cazino”.

Në kuadër të operacionit masiv janë evidentuar dhe goditur 3 raste të lojërave të fatit nëpërmjet kompjuterave dhe aparateve celularë, ku është bërë arrestimi në flagrancë i shtetasve:

-K. L., 21 vjeç, Gj. P., 36 vjeç, dhe A. M., 57 vjeç banues në Korçë dhe Mborje, për veprat penale "Organizimi i lotarive të palejuara" dhe " Vënia në dispozicion e lokaleve për lojra të palejuara".

- L. M., E. R., E. S., E. K., M. K., R. M., dhe A. T., për veprën penale " Organizimi i lotarive të palejuara", të gjithë banues në Korçë.

Këta shtetas u kapën në flagrancë gjatë operacionit duke organizuar dhe luajtur nëpërmjet makinaleve lojra fati dhe duke vënë baste sportive. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme”, njofton policia.